香港樓市越升越不合理，就連靠賣樓起家的長實地產（1113）主席李嘉誠也直言，「麵粉仲貴過麵包，不切實際」，集團來年會繼續增地產以外的投資，但他堅守「買樓自住不會錯」的原則，認為目前市場購買力強勁，近一、兩年看不到樓價會大跌。

被問及對香港樓市睇法，李嘉誠直言，「如果炒樓就唔好搞喇……如果自住，收入、支出應付到，應該要買樓，自己買樓自住，我睇唔出最近嘅形勢樓價會跌，買家嘅力量好大」。他表示，由於購買力強勁，未來—、兩年都看不到樓價會大跌。對於近月中資不斷以高價投地，李嘉誠認為，內地企業來港買貴地是「真金白銀、公平公正嘅商業決定，香港人、包括我，都無份加把口」。


「麵粉貴過麵包不切實際」

2015年長和系進行世紀大重組，將所有地產業務放到長實地產，表明長實是系內地產旗艦，不過李嘉誠昨承認，重組後香港以至全世界都有很大變遷，「單單做地產，一係大家喺度買好貴嘅貨，貴到你麵粉貴過麵包，等如我今日賣嘅樓，我去買地仲高過賣樓個價錢，呢個不切實際」。

他於長實業績報告中明確提到，今年會繼續放眼全球投資機遇，積極發展固定收入業務如基建投資、地產投資物業及飛機租賃，短期內加強固定收益來源，並推動業務長期持續發展及增長。

拓非地產業務增收益來源

事實上，去年長實以76.9億元向長和（001）收購飛機租賃業務，今年又與長建（1038）和電能（006）聯手收購澳洲能源公司DUET，李嘉誠重申地產對集團相當重要，地產業務固定收入近80億元，希望今年可增加50%，但「單做香港你做唔做得到？只係做地產做唔做得到？係冇可能。當然我唔係話一年間，收入就增加50%，但我一年之間，我已經買咗啦，Profit（盈利）會喺一兩年間，逐步增50%。」

長實副主席李澤鉅亦指，長實收購DUET因當初長建和電能未能成功合併，規模不夠大，所以要長實幫手作收購。

長實去年純利增長13%至194.15億元，扣除投資物業重估收益前核心盈利約180.32億元，按年增16%，每股盈利5.05元，末期息每股派1.15元，計及中期息，全年股息1.53元，按年增9.3%，李嘉誠說未來增派息機會大。

有基金界人士指，李嘉誠提得未來經常性收入2017年按年增長50%，已是一個好大的買入提示，今年利潤一定唔會差，更指股價如果大跌或跑輸同行都是買入機會。

http://hk.apple.nextmedia.com/financeestate/first/20170323/19967202