HKGalden財經臺
發表文章發起投票
選民登記 咁漏料玩殘全港銀行(中環客)
【全民媒體】選民登記 咁漏料玩殘全港銀行(中環客)

擺喺亞洲博覽館後備特首選舉會場,裝住 選民登記 資料嘅兩部Notebook,竟然被人偷咗,依家全香港人都心驚驚自己啲資料唔知去咗邊。只不過,對銀行同財仔嚟講,呢件事簡直係大惡夢,以後都唔知點批啲客嘅身份證資料。

依家漏出嚟嘅 選民登記 資料,有身份證號碼,中文商用電碼,中英文名、出生年月日,睇起嚟好似好簡單咁,但對假證黨嚟講,呢啲資料其實好夠攞嚟做假身份證,無錯,只要整張似層層嘅假證,相係Match番行使假卡果條友,但身份證號碼、出生年月日、中文商用電碼、甚至地址呢啲料係match選民登記嘅,令正面信貸資料庫唔覺呢啲料係流,然後呃走銀行啲貸款,銀行仲唔被啲賊當提款機咁用,一係政府幫全香港人換晒啲身份證號碼,但呢項工程一定係惡夢級工程,全香港銀行實問候到你嘅林特首嘅當選票數一樣為止,咁你可以點算?

所以依家銀行有啲唔駛見樣就可以批貸款,齋用手機SMS可以申請貸款,呢啲嘢可能無銀行同財仔咁玩,因為無人敢估啲資料係嚟自果個真人,定係騙案集團啲車手。依家係政府無任何website,可以用嚟俾銀行透過閱讀智能身份證上嘅晶片資料,知道張身份證堅定流。如果政府肯提供呢類服務仲好啲,最多要個客申請嘢果陣,攞個身份證俾個card reader 讀一讀,再連接政府個網站核對身份證真偽,咁假咭黨攞晒啲資料都惡唔出樣。只不過,呢個政府肯做呢件事,啲賊佬就唔會對選民登記電腦有興趣喇。

仲有,亞洲博覽館嘅保安,其實係好有問題,近年唔少trade show都係亞洲博覽館舉行,去年四月電子展就試過有參展商被人偷嘢,跟住去年十月打完八號風球,又有人偷嘢,仲有八號風球,照計無人咁夠薑入機場食強風,都有人偷嘢,根本果度就係有賊嘅地方,政府以為啲嘢上咗鎖好安全,我睇嚟係香港差佬太削,亞洲博覽館有賊一直都捉唔到,就真係太歲頭上動土,連政府嘅電話都偷埋,然後搏一鋪,睇吓啲資料賣唔賣到都好。我唔信啲俄羅斯黑客爆唔掂部機啲資料。所以呢次真係銀行嗌救命,搞貸款審批果啲自己執生。

http://hkcitizensmedia.com/2017/03/28/選民登記-咁漏料玩殘全港銀行/
Good0Bad3
2017/03/28, 5:23:27 下午
本貼文共有 0 個回覆
此貼文已鎖,將不接受回覆
發表文章發起投票