朝日電視台新劇《7名女囚犯》今晚首播，劇集由剛力彩芽聯同安達祐實、山口紗彌加、橋本愛實與Triendl玲奈等女星演出，講述以女子監獄為題材嘅故事。

安達祐實劇中就因為多次食霸王餐被判入獄，佢之前喺劇集記招都講過呢個冇錢開飯嘅角色，可能令人聯想到佢喺成名作《沒有家的女孩》入面嘅可憐小女孩。現年35歲嘅安達當童星入行，經歷過再婚同生咗兩個小朋友嘅佢，仍Keep住童顏，喺新劇入面安達仲會以水手服造型亮相，以交代佢嘅過去。睇見安達紮起孖辮扮學生妹，都毫無違和感，仲被讚Kawaii。