HKGalden娛樂臺
發表文章發起投票
入行30年 無線資深演員曾守明逝世


無線綠葉王曾守明突然傳出死訊,終年56歲。曾守明今年入行30年,曾飾演無數角色,參與不少作品,最近熱播中嘅無綫劇《全職沒女》亦有曾守明嘅演出。



曾守明畢業於TVB第十三期藝員訓練班,同班同學有鄭伊健、梅小惠、黃澤鋒、李家聲等等,演得最多嘅角色就係警察,例如交通警、便衣警、飛虎隊、警司等等。

經常飾演警察,同警察結下不解緣嘅曾守明曾經做過十多年輔警,仲得到「香港輔助警察長期服務獎章」。曾守明喺1991年加入皇家香港軍團 (義勇軍),今晨皇家香港軍團(義勇軍)更喺Facebook 專頁發文悼念。



身為槍械發燒友,曾守明仲喺1983年同朋友開咗間公司,為香港影視業提供槍械道具,佢亦曾帶團去泰國,參與射擊訓練。同時亦兼任保安公司槍械射擊課程嘅總教練。

曾守明十分愛車,於1986年更成為汽車拉力賽的賽車手,成為演員後亦經常出席新車發佈會。



曾守明亦曾經衝出香港參與拍攝外國電影《Sunny and The Elephant》、《世紀戰疫》。

曾守明都有做反派,最令人深刻嘅一定係 電影《國產凌凌漆》嘅湖南仔。



2015年10月,因為心臟血管問題做咗一次大手術,體重急跌30磅。



佢喺無線《好戲王》中獲頒突警王獎,上台發表得獎感言:「希望大家記住我,我係曾守明,我係一個演員。」

常言道,戲如人生,曾守明嘅人生比起佢演出嘅角色更精彩傳奇。

R.I.P 香港人會記住你係一個好演員。
Good2Bad1
2017/04/23, 2:41:04 下午
本貼文共有 0 個回覆
此貼文已鎖,將不接受回覆
發表文章發起投票