HKGalden影視臺
發表文章發起投票
經典《怪異集》改編網劇 頭炮講整容



http://video.appledaily.com.hk/mcp/encode/2017/05/03/3337636/20170504_Vsub530newnewAD_clean_w.mp4


兩位監製表示為令劇集更富時代感,會添加近年嘅社會事件和人物,尤其與香港有關的「怪異」事件。

八十年代,有本令到細路又要驚又要睇嘅港漫──《怪異集》。事隔多年,擁有呢部漫畫版權的文化傳信決定將佢由2D變成3D,改編為真人網絡劇集,預計七月於YouTube播放。

想當年,由漢民創作的雙周漫畫《怪異集》銷量極高,東南亞咁遠都有粉絲。驚慄嘢一向有捧場客,《怪異集》網劇監製潘一勤表示:「一直希望可以活化呢啲漫畫,策劃咗好耐,頭炮係〈恐怖整容〉單元,依家流行整容,一街都係Angelababy,個個一樣樣。當年個古仔想法已經好超前,我哋甚至唔需要太大改動就可以套入現今社會。呢個單元會分為三集,每集30分鐘。」


《怪異集》出版超過500期,當年掀起一股恐怖熱潮,後來同類漫畫相繼出現。


當年的漫畫對白現在看來文縐縐,製作團隊要把對白改寫為現代流行用語。

佢哋早前公開招募演員,不過要搵到個女主角似整過容都唔易。「最想搵到似大陸網紅嗰種眼大大面尖尖嘅樣,來試鏡的都有合心水嘅女仔,當然我哋會請化妝師幫佢化妝,令佢真係似整過容。」唔搵有知名度演員擔正,佢解釋係想畀多啲機會新人,而幕後製作團隊也有很多生力軍。「我哋請咗資深電影電視編劇郭偉鐘,而導演就係浸會大學電影學院畢業生。新人比較有熱誠同埋創意。」另一編劇林鏗補充:「新舊衝擊,我哋覺得係好事。編劇可能比較老派,同導演會有爭拗,但大家會討論會妥協,拍出來好新鮮,絕對唔似傳統劇集。」

劇集有個靈魂人物,每集都會出現,佢係陳啟泰。林鏗說:「《怪異集》每個單元故事都有深刻嘅訊息,希望觀眾看完會反思。就好似美劇《The Walking Dead》咁,佢除咗好睇,其實仲有好深層嘅意思。日本的《世界奇妙物語》都會有位神秘人作開場,我哋覺得搵演出過《我和殭屍有個約會》嘅陳啟泰為網劇帶出每集訊息好適合。」

佢哋強調希望活化呢套有三十幾年歷史嘅漫畫,之但係會睇網劇嘅年輕人對呢部漫畫無回憶,唔怕無收視嗎?林鏗說:「《怪異集》1995年停刊,大部份年輕人的確都無接觸過。但係懸疑驚慄題材從來無被淘汏,乜嘢年代都有人鍾意睇鬼古,佢哋一樣可以當新嘢睇。改編可以令大家重新認識《怪異集》!」

記者:葉青霞
攝影:徐振國

2017果籽繼續認真知味。識買惜用。行以求知。好事多為。重修舊好。
緊貼果籽報道,即like:http://fb.me/AS.AppleDaily

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
韓國個套恐怖漫畫好睇喎
Good0Bad2
2017/05/04, 12:10:05 中午
本貼文共有 0 個回覆
此貼文已鎖,將不接受回覆
發表文章發起投票