HKGalden汽車臺
發表文章發起投票

三個法國品牌三種味道 CPR車主愛獨特



http://video.appledaily.com.hk/mcp/encode/2017/05/15/3346714/20170516_Vsub701newAD_clean_w.mp4



法國車於香港如數家珍,為人熟悉的法國品牌就只有雪鐵龍(Citroen)、標致(Peugeot)及雷諾(Renault)。趁法國五月節,集合這三個品牌的車主,暢談一下法國車經。他們不約而同認為三個法國品牌有三種味道,又不會周街都係,夠晒獨特。

Citroen外形優雅出眾
「我是Joe Lee,我揸雪鐵龍DS3。」已擁有了DS3四年的Joe,起初揀法國車全因誤打誤撞,「我原先因為看中雪鐵龍陳列室旁邊的日本車,落訂後經過雪鐵龍,在廚窗見到這部DS3,感覺幾過癮幾靚,就變心入了去買,那時我都未清楚雪鐵龍係咩?」單純外形,亦覺得20萬車價買到歐洲車比較着數,這就成為了他人生的第一部車。買了後開始努力上網了解更多,「我之後才知雪鐵龍在世界越野賽都幾有名氣。」還於facebook開雪鐵龍粉絲專頁,「香港比較少雪鐵龍,希望凝聚人氣及朋友。」即使品牌在港是冷門,朋友很多時連牌子名都叫錯,他亦毫不介意,「我覺得它很特別,追求人性化,這車予人感覺很優雅,線條很漂亮的車款,一種好法國人的感覺。」


從事保險的Joe,DS3是他人生第一部車。


Joe起初完全不認識雪鐵龍,卻被它的外貌吸引而買車。


1.6公升引擎輸出120匹馬力,細細架夠晒力。


Joe不時約車會朋友出去遊車河,每次見到法國車隊出場就覺得好靚。

Peugeot設計不過時
「我是阿鼠,我揸標致208 GTi。」揸了超過10年法國車的阿鼠,對標致車也可算相當了解。他在英國學車時已揸標致,之後便買了一部舊205,後來回港斷斷續續再買過兩部206。「其實我被它的內櫳及外形吸引,同一車價,我覺得標致車的裝潢特別靚,望落去似三十幾萬車。設計好有style好吸引我,你睇1997年推出的206到現在你都不會覺得它老土。造工方面,很老實真係要抽獎睇彩數。好似意大利車,但意大利車用人手做,它用機器做,都唔明點解會咁參差。」

問他那部傳說中的彎路王還有珍藏嗎?「第一架206爆了三次偈,最後劏了。這車係劈得,但要識劈囉,並非普通Honda車揸法,一定要慢慢控制它入彎,否則會直飛落山。」那為何它會有彎路之王的美譽?「其實是205、306先係彎路之王,我都唔明代理做乜架架標致都叫彎路之王。」那現在的208跟以往的法國車有大分別嗎?「有,相差很遠,第一樣係坐姿,呢架車係畀正常人揸,以前軚環遠、腳踏位細,要手好長腳好短先揸到。現今法國車同德國車差不多,所謂歐洲車會共用電子零件,點會有一架易壞啲,找到相熟或整法國車的車房便可。貴、易壞、難整只是過往法國車遺留下來的印象,香港人唔識欣賞。」


從事IT工作的何定邦(阿鼠)玩了法國車超過十年,現有一部208 GTi。


1.6公升Turbo輸出200匹馬力,繼續好劈。


標致車會夜聚,大家互相交流維修心得。



Renault有跑味好好玩
「我是Angus,我揸Renault Megane RS。」Angus的法國車年資比較淺,只是一年左右,嘗試Megane因為很切合他的需要,他現時的座駕Megane RS250新車價約35萬元。「我想要一部棍波車、年份新少少、揭背車方便我放單車。其次就係我覺得它的桶椅好靚,拋沙板的外形好吸引好新鮮,基本上呢個車價已畀到晒你想要的,冇乜好改。」問他感覺跟德國車的最大分別是甚麼?「維修就冇乜唔同,同德國車差不多。不過揸就要啲時間適應,我由NA偈轉Turbo車,後驅轉前驅,加上馬力都大,起初都有啲唔習慣。所以一開始就唔好用盡油門,由Normal模式慢慢熟習它的動態,再一級一級升上去玩其他模式。」其次,他認為跟寶馬的不同之處是軚感好輕,「揸得好輕鬆,玩落係好好玩,你會想越揸越多。」最後是因為少人欣賞換來的與眾不同,「出街最多只會見一至兩架在附近,不似寶馬、Golf同平治,整個停車場都係同一款同一個樣。最重要是外形有跑味之餘,又唔會畀人覺得似飛仔車。」


從事文職的王偉諾(Angus),近年才由寶馬轉會揸Megane RS250。


為求更與別不同,Angus揀了紅色的Megane RS,跑味更濃。


三車之中最大馬力,2.0公升Turbo輸出250匹。


揭背後座摺後排方便Angus擺放單車。

記者:許維雅
攝影:林栢鈞
編輯:梁浩維
美術:楊永昌

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
三架個車頭都好上世記 feel
Good0Bad3
2017/05/16, 10:45:13 上午
本貼文共有 0 個回覆
此貼文已鎖,將不接受回覆
發表文章發起投票