HKGalden創意臺
發表文章發起投票
膠登權力鬥爭形勢及其衰亡因由
首先, 作為一個正常人睇到一個咁既標題, 一個咁既post你都入

拿, 凡有人之組織及實體, 必有權力爭鬥, 其中必涉及管治路線之爭. 管治路線是目, 但目標是本. chaaa事件表面來看是因為條link有毒, 實際上對膠登教會生活的安排之爭. 兩派人馬對戰, 爭奪對教義的話語權的詮釋.

無錯, 膠登從來唔係一個世俗化的討論區, 而是一個宗教, 甚至係一個承載當下香港受壓的男性青年的世俗指導思想的宗教. 膠登討論區就是承載依個宗教的教會. 宗教是精神生活, 教會是實際載體. 膠登宗教至少有最兩大核心的教務就是敵視中國,的一切 以及反mk鬥爭.如果你仍然當膠登是一個討論區咁上就大錯特錯. 你大可以去香討, 連登, 迷你. 但膠登有趣之處, 就是人生如戲, 戲如人生. 人少正是膠登優勝之處. 膠登衰亡之主因, 是因為心頭太大, 窮人想一朝發達, 拒絕承認自己的宿命及循序漸進有策略地咁生活. 一番憤慨, 但無從改變局面

然而, 儘管這是基本共識, 但教徒對教義的詮釋各有不同, 對教會儀式的安排亦有分歧. 更要命是, 係外人滲透, 世俗化的生活同思想動搖宗教信仰. 與此同時, 教會長老的管治手法不嚴, 強調自由自治, 係一間本來應該講究紀律生活的教會而已, 矛盾更加大.

有人, 如Genzo及541等人主張堅持嚴格執行教義, 堅壁清野. 做苦行僧, 堅決從極小的生活細節及紀律都必須全面去中國化. 又或者至少有用淘寶, 都可以放上膠登比人知, 情況就似唔可以佛憎走去性愛, 係教會公然質疑宗教長老及聖經條文, 但私下內心有欲念邪念又或者猜疑, 都係內心既事, 無咩大不了, 人皆有之. 例如反mk. mk係唔係值得, 需要點反, mk係唔係實在地存在, 其實一d都唔重要. mk唔需要一定實際存在. 情況就似1984一樣, 要製造兩分鐘仇恨. 假即係真, 真既同時又係假. 關鍵係膠登作為一間教會, 係唔係一個普通討論區. 儘管膠登從來無明言自己是一間教會, 甚至宣稱自己是自由地方. 但一眾門徒, 信徒及街外人都明白, 膠登是一間有自己潛規則的自治教會

但菜鳥一號, Azp等人則質疑此舉乃革命黨思維, 上鋼上線. 如果熟悉中共歷史, 你就知道當年都有所謂反右擴大化. 畢竟中共本身都係宗教同宗教組織無異. 仲未講有kln等外人及非信用干預教會活動, 最高領袖失蹤, 孫大砲及萊斯等掌握日常運作權力的教會幹事對凡事均無所謂及包庇的管治態度, 均衝擊膠登秩序

少人係核心先天問題, 但只要有良好的管治及社會秩序, 講野岩咀形, 有共同的信念及價值觀, 原則上支撐到膠登的教會生活, 有一定之樂趣. 君不見再少人, 一樣有人上, 一樣有會睇metalist打千字文, 東方project, 資深職員唔知點, 乜乜牛係西鐵唔知見到乜, 普通食一餐普通到不得之了既飯, 依點咁既post都可以講到一大爛餐, 50幾個reply. 反而真係有公共價值討論反而得2個reply, 你就知膠登教徒係有幾堅貞.

但眾所周知, 教會生活本來就係講紀律, 講犧牲及苦悶, 所以從來都係講易行難. 從來都有d人出黎高呼唔知乜乜獨立, 要點樣革命. 最後大家內心都知, 堆港青都三分鐘熱度, 無決心, 無堅定的意志. 港青反可能係真心反, 真心討厭社會建制, 不過一旦有利益在手, 又會好好把握爭奪加入, 盡力成為既得利益一份子. 大家頭腦好清楚, 反貪污, 固然貪污對社會帶來問題, 值得討厭, 不過一旦有機會貪污, 人性係無人約束的情況下就走出黎. 總會有少部份人做苦行憎, 堅持到底, 又有d人受不了誘惑, 做猶大出賣耶穌. 聖經故事聽得多, 大約膠登同香港的命運之所以相連, 說到底就是人性所然. 無好既制度約束及管治去處理其所面對的挑戰, 一個社群必然步向敗亡

行軍作戰唔單係講數量, 其中一部係士氣. 士氣因為一連串外部因素打擊, 加上內部系統無能應對, 最終膠登同世上一座曾經光煇的城市一樣, 空有人口及實力, 但最終任人魚肉.

連登點解成功, 首先要視乎你點介定成功. 如果單指作為一個討論區, 佢係成功, 但自由自在的作風易被滲透及改造. 關鍵係睇當地人接唔接受. 如果接受就無問題. 情況就好似香港人最終接受自己的宿命, 雖然總會有一d港青出黎呻吟及勞蘇總會有, 但即使真係好多人出黎所謂抗爭, 大多都改變不了局面. 情況就似1444年eu4開局的拜占庭, 個player係拿破崙再世, 但如果幸運之神唔係你個邊, 係無可能改變命運. 問題永遠大家都知, 偏偏就係死性不改.

而膠登是一間有信徒想追求紀律生活但長老無能無為的教會, 最終逃不過拜占庭東羅馬帝國式的悲劇收場.




嘩, 扮東方甲乙式出post, 突登東講一堆西一舊, 故意行文完全混亂.咁你都仲入黎, 好野.
Good11Bad3
2017/05/20, 1:04:05 下午
本貼文共有 0 個回覆
此貼文已鎖,將不接受回覆
發表文章發起投票