HKGalden時事臺
發表文章發起投票
身兼「華廟會」主席 劉江華推波翁靜晶爆seed鬧係咪黐



http://video.appledaily.com.hk/mcp/encode/2017/05/23/3352300/20170522_ent_02AD_w.mp4

翁靜晶預計定慧寺官司要打十年,是一場長久消耗戰。但其實當中有一個折衷方法,就是由華人廟宇委員會負責接管。

翁靜晶日前在facebook透露曾透過梁耀忠議員,約見「華人廟宇委員會」主席的劉江華,但對方避而不見,最後她收到一封信,回覆是:「既然香港有其他執法機構,可以處理這宗案件,本委員會決定由其他部門去調查。」翁靜晶不留情面直斥對方是「全香港最懶的局長」,還懇求「炒了劉先生吧」。

翁靜晶說﹕「佢覆一封咁嘅信俾我,佢夠膽嘅,又講話叫我去報警,係咪黐線架?其實華人廟宇委員會有權去接管,如果佢哋晨早接管咗,我唔使攪後面啲嘢啦!我哋俾佢係一個正資產,唔係負資產,但點解你唔去接收呢?原因就係懶囉。」她透露定慧寺佔地約十萬呎,如果由政府收回可以作低收入人士住屋、學校或院社等,她好擔心落入壞人手中,所以堅持繼續打官司。

早前審計處報告都質疑華人廟宇委員會,十年來無跟進過廟宇無提交脹目及行政報告的情況,這點亦令翁靜晶好氣憤﹕「審計署揭發出嚟,佢哋又面懞懞唔去改變,又冇懲罰同諗辦法去改良。去到立法會,人哋問點解咁大筆捐款唔見咗,佢可以話冇睇到個檔案,一個人可以無賴兼無恥到咁嘅地步,我真係唔明。」

對於新一屆特首林鄭月娥即將上場,翁靜晶亦不敢期望太高,她說﹕「林鄭話希望管理下宗教方便嘅嘢,諗佢都睇到個問題。但睇到問題就要去處理,如果佢哋都係委任番自己鍾意嘅人而唔係睇呢個人有冇能力做嘢,你都唔好諗住有好多嘅改變,希望今屆係做事嘅人啦。」

source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
係又點,佢係唔理
Good1Bad0
2017/05/23, 12:47:02 下午
本貼文共有 0 個回覆
此貼文已鎖,將不接受回覆
發表文章發起投票