http://video.appledaily.com.hk/mcp/encode/2017/06/12/3367692/20170613_Vsub414NEWAD_clean_w.mp4


90後王嘉裕（Felix）由網上商店做起，現為Red Earth集團創辦人。

有位90後最近推出了《我係90後系列：創業，如何每月輕鬆賺10萬》一書，在書中分享在30天內以一部iPhone的價錢創業，往後月入達10萬的經歷。別以為這是全書唯一賣點，這本只有270頁的創業書，盛惠港幣1,880元，高價換來的VIP Package才是重頭戲，可以獲得與作家王嘉裕先生會面10分鐘的機會。

王嘉裕（Felix）1991年出生，三年前開始創業，在香港大學修讀碩士期間開始製作網頁，並開設網上商店，由一開始售賣世界各地的上網卡，直至後來的WiFi蛋、氣球、皮鞋、名牌手巾等，他開啟了各式各樣的網上商店。為讓更多人認識自己創立的業務，他絞盡腦汁，「當時我試咗好多營銷方法，問自己點樣認識一個品牌，每日花最多時間喺邊，原來就係碌手機、睇facebook同Instagram。」有見及此，他開始接觸網絡紅人為產品宣傳，「問佢幾耐先出post，半年後先出，我心諗我開始咗一年都未夠，我要等到幾時，與其要等佢哋，我不如自己開間公司。」於是，他開設了「5UNIT」，一間專以網絡紅人作宣傳的廣告公司，以便日後輕易找到50至100個KOL宣傳產品。


《我係90後系列：創業，如何每月輕鬆賺10萬》$1,880。


旗下項目包括上網卡、花、WiFi蛋、氣球、皮鞋、名牌手巾等，另主理5UNIT網絡紅人廣告公司。


他由賣上網卡做起，及後開拓了各式各樣的網上業務。

說到底這本創業書憑甚麼賣千元？Felix強調自己出書不為賺錢，「我唔係一個真作家，我唔需要靠呢本書搵食，其中一樣令我自己開心同自豪嘅嘢就係，我出咗本書囉！其實我嘅興趣好單純，想寫吓嘢，係我人生想做嘅一百件事之一。」他堅信這本書的價值不只內容，而是讀者與他會面的10分鐘時間，「如果佢同我見完面，比到佢信心辭工，影響到佢嚟緊五至十年條路，其實我提供到畀佢嘅嘢價值遠遠超過一千蚊，呢一千蚊，情人節你買束花都無咗啦，其實好多時佢哋只係需要一個推動力，去踏出改變人生嘅第一步。」《我係90後系列》還有三本書即將面世，不過出書不帶商業考慮，所以只供網上訂購，他也沒打算在各大書店出售。

雖然教人創業，但他堅拒以創業KOL自稱，「分享創業經驗係我興趣，但原意唔係要令自己成為一個KOL，亦都無太大興趣成為KOL，我會認我係作家，因為我有寫書，我會認自己係創業家，我會認自己係法律學士，因為呢啲係事實，可以100%係，100%唔係。」有人嗤之以鼻，也有人虛心受教，到目前為止，已經有113人買這本書，Felix也與部份人見過面，讀者以大學生和畢業生為主，有些甚至帶同創業計劃書向他徵詢意見。


氣球也是他另一成功項目。


Felix的願望清單，要車要樓要遊艇


Felix的願望清單很明確，總值4.5億。

有了facebook和Instagram等社交平台，創業可能比以往簡單，但無論如何，營運資金是不少人眼中一大難題，Felix卻不理解，「呢個問題無出現過，開設一間店要幾多錢，開Instagram帳戶要幾多錢？」他口裏估算着基本開支，「淘寶支燈一千蚊，iPhone影相唔差，入啲貨唔使一嚟就入50件，一開始要樣辦，咁你50款每款入一件，都係五千蚊、一萬蚊一件事，好多人打份暑期工都有，儲一個月都有。」對Felix來說，創業不是只做一件事，而是甚麼都試，「創業唔係一件事成功與否，係一個機率遊戲，例如你開始咗50個項目，有49個都失敗，唔代表你失敗，你只需要有一個成功，你已經可以好成功。」所以他的終點並不只是這間廣告公司，「我自己嘅目標其實係想賺4.5億，好明確係4.5億。」這個目標的達成日期是2021年1月21日，至於怎樣做到，Felix希望留待達成之時再作分享。

創業是不少人的夢想，追逐夢想的道路上總是滿途荊棘、困難重重，不過值不值得花千多元買本書或找人指導，就真的見仁見智了。

記者：鄧天蔚
攝影：周芝瑩


source : http://hk.apple.nextmedia.com/
+++++++++++++++++++++++++++++++++++++++++++++++++++++++++++++++++
屌!!! 十足上網 google 完，自已出本書咁