HKGalden時事臺
發表文章發起投票
證明所謂本土派無法自成一派嘅真實數據!(圖文並茂版)
承接上一貼文(http://hkgalden.com/view/429314/highlight/8986),所謂本土派者無法答出本土派之定義。
而本貼文則更進一步,用真實數據證明,所謂本土派無法自成一派!

本文採用反證法。假設所謂本土派能夠自成一派,則如本登普遍自稱本土派所言:「本土絕非泛民」「有本土投本土,無本土唔投票」或者「若無本土,寧投建制,不投泛民」。若如此,則所謂本土派喺2016立法會選舉中各區得票百分比應該相近嘅。於是,我再統計一下該次立法會選舉結果。

數據來源:https://zh.wikipedia.org/zh-hk/2016年香港立法會選舉

首先,將所有順利進入候選環節之組織分為幾類:
一、建制派
二、中間派(王維基、民主思路)(綠色)
三、所謂本土派(熱普城、青年新政、本民前、東九龍社區關注組、梁金成)(黃色)
四、非建制中,被所謂本土派所主觀認定之泛民主派(白色)

PS1. 本人認為三、四本為一類,統稱泛民主派(當然有個別老鼠屎行為操守有問題,累及全派,應該將其驅逐出派,但無奈其中部分人甚至霸佔議席)
PS2. 本土力量(何志光)、范國威、毛孟靜等,雖然自稱本土,但所謂本土派唔將佢地當成本土派,因此未被納入。

如圖所示:


再統計一下各民主派組織喺2016立法會各區選舉中得票百分比。注意:
一、對於中間派,我假定為一半建制、一半民主,因此該數據要除2。其實民主與非民主係壁壘分明嘅,唔應該有灰色地帶,但部分選民係白癡架嘛
二、總和有三個數值,第一個數值為「被所謂本土派所主觀認定之泛民主派」之得票總百分比;第二個數值為所謂本土派之得票百分比,第三個數值為第一、二個數值之總和。
三、由於所謂本土派無參選超級區議會二,因此不作該界別統計。

結果如下:






於是,民主派(包括埋所謂本土派)喺各區得票百分比分別為:
港島53.865、九西58.15、九東54.76、新西55.25、新東58.605。標準差為:1.896706092。非常平穩。
然而,所謂本土派喺各區得票百分比分別為:
港島5,99、九西14.65、九東14.02、新西10.68、新東10.67。標準差為:3.083837896。極不平穩!
但係,如果作出修正,將港島區update滿剔除,則其他四區之標準差為:1.702741815。又係非常平穩。

因此,結論就係,所謂「港島區唯一本土派」根本就係自欺欺人,港島區所謂本土派支持者係口裡說不,身體卻很誠實,將票投咗畀佢地所認定嘅、不同於本土派嘅泛民!亦即,所謂本土派無法自成一派![/size=6]

另外,為咗檢驗我嘅分類方式是否合理,數據是否穩定,我亦用相同方法統計咗2012年嘅數據。當年並無本土派。而我將所有順利進入候選環節之組織分為幾類:
一、建制派
二、中間派(勞永樂)(綠色)(同樣只計一半)
三、民主派(白色)

如圖所示:


計算表格就唔貼喇。直接公佈結果。
民主派喺各區得票百分比分別為:
港島52.355、九西63.08、九東55.48、新西57.01、新東57.02。

可見除九西之外,兩屆百分比變化不大。

另外有一個意外發現,就係九東嘅廢票百分比係其他各區嘅兩倍左右,兩屆都係如此。

此外,有人反問:好多人立法會投畀民主派,但區議會投畀建制派,所以唔存在建制派同民主派嘅分野呢?

錯!睇返投票率。
2015年區議會選舉投票率:47.01%
2016年立法會選舉投票率:58.28%

即,有成11%嘅選民喺立法會投票,但喺區議會唔投票。原因可能係該區係建制自動當選區;或者建制派根基太深厚,無得贏乾脆唔投;或者選民主持民主派,但唔支持該區民主派候選人或所屬政黨。
所以,根本無法證明係民主派支持者喺區議會票投建制派。(王維基fans、民主思路等中間派另當別論)

再者,各區廢票數除九東外比較平均,而九東廢票只有三千幾,各區投票率亦比較平均。故排除咗港島區所謂本土派普遍唔投票或投白票嘅情況。

PS. 一個益友喺仇思達節目中講到,擔心「本土派」噉分裂法,會令好多支持者下屆投返畀「左膠」,真係虛怯嘅Freudian Slip呢

綜上,所謂本土派無法自成一派![/size=6]
Good0Bad1
2017/06/24, 10:39:59 上午
本貼文共有 0 個回覆
此貼文已鎖,將不接受回覆
發表文章發起投票