HKGalden體育臺
發表文章發起投票
點解咁多利迷?四代香港人喜歡利物浦的原因


https://www.esquirehk.com/lifestyle/sports/why-hk-many-liverpool-fans#MI5C7eGCHXMMZLu7.97

最近利物浦來港參加英超亞洲盃挑戰杯,香港大球場成為了利物浦的主場。八成球迷著紅衫,唱著《You 'll never walk alone》,仲認真到噓死敵曼聯的前度球員。經常話香港人係勝利球迷,但從未奪得英超冠軍的利物浦,點解有咁多球迷呢?一齊解構四代香港人點解咁鍾意利物浦!

輝煌的七、八十年代

筆者作為80後球迷,開始睇英超已經係90年代的事,當時已經是曼聯天下。但你會發現好多五六十歲的男士都是利物浦支持者,佼佼者就係前特首董伯伯。英超成立前,英甲是最高級別聯賽,而利物浦在七八十年代就雄霸英格蘭球壇,共奪得11次英甲冠軍,桑拿士、杜格利殊以至後期的魯殊是現今球迷較熟悉的經典球員。筆者記得00-01年球季,利物浦奪得五冠王,在茶餐廳聽到一位阿叔形容當年的利物浦甚有七八十年代歐陸足球的影子,而當時利物浦就是以"pass and move" 的漂亮足球俘虜了不少球迷的心。利物浦80年代的精華片段,不知又有多少球迷看過呢?

入型入格的90 年代

七八十年代的利物浦儲落一班資深球迷,而90年代初期利物浦因被罰不准參加歐洲賽而漸走下坡。雖然成績唔突出,但利物浦仍然有吸引力。記得細個時候,免費電視台偶爾會直播英超,除左曼聯外,播得最多都應該係利物浦及紐卡素。當年利物浦水準非常唔穩定,但勝在娛樂性豐富,球星靚仔又具星味,麥馬拿文、列納、科拿及哥利摩亞等土炮成為90年代利物浦的代表人物。90年代的利物浦僅獲得1次足總杯及1次聯賽杯冠軍,雖然陷入低潮,但一樣吸納不少球迷。在筆者腦海中,印象最深刻就係95-96年球季在聯賽以4-3 反勝紐卡素,間接令對手失落聯賽冠軍,當時香港免費電視台都有直播,相信不少七八十後的球迷都有半夜起身棒場。

千禧年代的三大奇蹟

千禧年代利物浦始終未能奪得英超冠軍,但在杯賽屢創佳績,也吸納了第三代的球迷。00-01 球季,利物浦歷史性奪得五冠王,包括慈善盾、聯賽杯、足總杯、歐洲足協杯及歐洲超級杯冠軍,睇返當年陣容包括奧雲、謝拉特、希斯基、貝加、史米沙、夏文、麥亞里士打及希比亞等球星,睇得又打得,最令球迷印象深刻應該是足協杯對西班牙阿拉維斯的一仗,幾經辛苦戰至加時以5-4 擊敗對手。

2005 年利物浦打入歐聯決賽,相信不少球迷睇完半場已經返上床訓覺,因利物浦半場已落後0-3。豈料下半場利物浦連入三球,最終12 碼勝出捧走歐聯冠軍。經過這一役,相信利物浦的球迷會更愛利物浦,同時亦有球迷因此而愛上利物浦。

2006 年足總杯決賽,利物浦憑神奇、頂級、超卓的謝拉特補時入波逼和韋斯咸3-3,最終以互射12 贏出捧走足總杯。若果你從2000年開始支持利物浦,這10年來經歷的3大奇蹟確實有今生無來世!近10年做利物浦球迷相當不易,隨著車路士及曼城掘起,連李斯特城都奪得英超冠軍,利物浦的球迷經常被揶揄。早兩年利物浦差點奪冠,但謝拉特的世紀跣腳又再成為一個難以忘卻的遺憾。謝拉特、托利斯及蘇亞雷斯曾帶給球迷無限驚喜,在後謝拉特的年代,那一位球星會帶領利物浦吐氣揚眉呢?
Good1Bad1
2017/07/29, 9:01:30 晚上
本貼文共有 0 個回覆
此貼文已鎖,將不接受回覆
發表文章發起投票