HKGalden動漫臺
發表文章發起投票
C92聖戰經歷,戰利品分享區
大家好,我是上帝。
我今次去咗六日日本,當中大部分時間都是去關動漫方面的活動。分別有c92,去秋葉原丶中野丶三鷹之森美術館丶re zero活動丶艦娘Xpeach展。本post會集中討論c92的個人經歷。
首先,今次旅行有表哥同我去,去了頭尾兩日的c92。我們事前準備了不少用品,包括毛巾,小林退熱貼(垃圾),gastby 濕紙巾(退熱效果顯著),我們還上comics mart web版mark哂舖,還升級做高級會員(500yen),有一個apps睇返地圖同mark咗個D舖,幾方便。我帶了一個布袋放本子,強烈建議帶,因為真是好方便,買完本直接放入袋,夠哂效率,會場買setD袋唔夠大,自己帶好過。
而食物飲料方面,我兩日都在七仔買一支補礦力,一支redbull,二舊飯團,加自帶一支凍水,去到排隊先飲同食,之後入到會場再食,再去乾淨廁所先瘋狂去買,咁就唔怕途中肚餓同出現去廁所的問題。我不推薦飲redbull,對我而言完全無效。
之於排隊方面,各大網上供應商au,docomo 都有set好多加強訊號站在排隊的空地周圍,可以去附近上網,是快好多。空地有廁所同食野鋪,不過好多人的。我兩日都係十點半就入到東1的會場,日本的毒撚行路速度極快,不過會場是唔比跑的,只能急步,安全至上。
而首班車,我住池袋的首班車開五點,去到新木場再轉車去國際展示場,我見識到人流有幾恐怖,連日本人都唔守規矩,打尖狂逼前面D人乜都有,我兩次都唔夠人來只能搭次班車,少好多人。上到車站去的路程又是超多人,不過都會排隊,跟工作人員指示行,去到空地有分不同的區域,我兩日排過三同四區,但都係同一時間入去。我車站門口有分排企業同同人,我兩日都是排同人,要留意工作人員指示。而等入場的時候可以周圍去,但一到八點半就要返去,因為要準備入場。
而當我入到去買野,我事前已經將D錢打散做一百円,五百円同一千円,因為本子多數是五百,七百,一千,千五円,雖然有得找,但是唱㪚佢比是方便自己快D買完走人,我強烈建議咁做。而買本子排隊的時候,任其是大手,要睇清楚條隊尾,有工作人員或者排緊隊D人會舉牌。而當工作人員帶排隊的人入去的時候,一定要舉手,保障自己是排緊條隊。大會有一些記定的地方比大家休息坐地,請不要亂咁坐。
而影cosplayer,記得帶相機,我用手機影只比我影兩張,出聲影多D都是影多一張。而相機就可以影好多,同埋影完記得講唔該。同埋,要排隊影,不過有D是可以唔洗排直接影,不過因人而異。
我兩日都大概四點幾離開,又唔算好多人,都好順利上到車返池袋,所以大家可以參考一下這個時間走。
Comics mart 如戰場,所有人都為了買自己心頭好而逼來逼去,身體接觸是一定有,食得鹹魚抵得喝。
希望大家可以透過這篇文對comics mart有更深的認識

Good13Bad0
2017/08/15, 6:14:17 晚上
本貼文共有 0 個回覆
此貼文已鎖,將不接受回覆
發表文章發起投票