黃之鋒 喺律政司打茅波嘅情況下，又係楊振權判監六個月。喺香港法院判黃之鋒之前，美國國會已經做定嘢，一判，就會要求改《美國-香港關係法》(US-Hong Kong Policy Act) ，對果啲自己擦中國共產黨鞋，但又子女攞外國護照嘅人渣，呢次好可能係噩夢嘅開始。

判 黃之鋒 輕啲你以為無事？

楊振權一定認為判 黃之鋒 輕啲係會無事，好明顯唔係呢回事，我不斷提及紐倫堡法官大審，主要嘅紐倫堡大審係美英法蘇聯審，但Judges’ Trial係純粹美國軍事法庭處理，所以個case實際引用係咁寫The United States of America vs. Josef Altstötter, et al.，無錯，美國訴一眾法官，所以呢個係美國binding嘅court case嚟(當然後來德國都係binding，因為聯邦德國係英、法、美佔領區合組而成)，喺美國嚟講，你法官攞法院作為恐嚇人民嘅工具，係法律都唔容許，唔好話其他嘢。所以美國嘅反應十分之清楚，東北案會咁重判，咁 黃之鋒 都一定會判監，仲要楊振權根本係強辭奪理，既然係咁，美國佬唔會傻嘅，一早準備好。

喺中國一直搞唔掂金正恩嘅情況下，我相信美國香港關係法修改係好自然嘅事，如果真係Macro Rubio原裝版嘅法案通過，有幾樣嘢會發生

美國唔承認 黃之鋒 等人嘅案底，甚至會擴大到其他政治受壓案件，屆時所謂案底喺國際上一啲公信力都無，你張曉明咪繼續指使法官判落去。

相信好多藍屍，佢地喺美國嘅資產會被凍結，好似陳啟宗呢啲做美國人走去投共，應該係罪加一等。但可以肯定係，香港差佬同律政司嘅子弟，都係唔好發夢去美國讀書喇，返中國讀飽佢喇。

特膠護照申請美國簽證會唔會難咗，我唔知，但我相信，如果高官子女申請美國B1/B2以外簽證，就算持英國公民護照都會難好多，都係果句，美國佬唔係傻，更加知道你班友平日啲作為，美國駐港領事館係大使館級，呢樣嘢大家要知得好清楚，大使館級嘅使館，有嘅資源同人手都好唔同。

都係果句，對付港共政權，最有效係做帶路黨，一如Aktion Rhineland班德國人咁做就啱。

https://martinoei.com/article/15618/判-黃之鋒-刑？us-hong-kong-relation-act等住被廢