http://nextplus.nextmedia.com/news/latest/20170818/540283

香港有咁多國安跟蹤人，查走資點解唔得？有老友爆料話收到風，近排好多大陸人，將喺香港嘅儲蓄戶口、股票戶口都取消咗，費事俾「強力部門」查到自己運咗幾多錢落香港。有公司專喺機場接呢啲大陸客，幫佢哋買金條、買鑽石，即時放喺機場保險箱，貪方便唔使再出市區銀行。講到機場保險箱塞滿值幾十萬嘅金條、一盒盒廿幾萬美金嘅鑽石，簡直係現代張保仔洞！

老友俾咗個公司電話我，小宗八卦打去一問，對方話只係賣鑽石，唔會幫人走錢落嚟喎。不過叫佢send資料來睇吓就無晒下文。老友仲預言，大陸人抽走喺股市樓市嘅資金改揸現金，隨時引發樓股大冧，造成第二次金融海嘯！計落就到十月，股災都係時候喇！