HKGalden遊戲臺
發表文章發起投票
賽車影相自製痛車 車手試玩《GT Sport》 李英健:有真實賽車速度感



遊戲製作人山內一典前作喺2013年12月6日推出後,已過了近四年,昨日(17日)終於推出新作《GT Sport》。這隻真實性極高的賽車遊戲,除了主菜賽車外,今集還有極多新元素被機迷追捧,例如攝影模式的超真實街景,連旺角小巴站都有,而且新的賽車拉花編輯器,方便於遊戲內製作動漫角色痛車!製作一部痛車放到日本秋葉原街景影相已經夠好玩,媽!好毒呀!

於1997年推出第一集《Gran Turismo》,當年已經憑流暢的CG賽車畫面及超過150款車種選擇,帶領賽車遊戲去到另一個層次。全球總銷量達到1,000萬隻。製作人山內一典本身熱愛賽車,而且對製作認真又有要求,不過往往高估開發效率,令到遊戲系列習慣延期推出,亦出名開發時間長,2003年《Gran Turismo4》更因為開發時間太長,要先出《Gran Turismo4 Prologue》給玩家體驗新遊戲的操控及「考牌」,到2004年尾才推出正傳,開創推出前傳賽車遊戲的先河。最新一集名為《GT Sport》,明顯主力針對日漸興盛的電競運動,將來要成為「職業賽車手」,可能只需要有一部遊戲機。

吸引賽車入門新手 「冇緊張氣氛刺激感」
香港著名職業賽車手、Audi車隊的李英健(Marchy),剛在Blancpain GT亞洲賽和拍檔唐偉楓得到總季軍,早前現身遊戲活動接受我們訪問時說:「呢款遊戲推出第一代時已經合作過,嚟到新一代,試玩過覺得好到不得了,我之前賽過德國紐堡靈,?家喺遊戲玩番,就感覺到嗰份真實感。操控方面都好強,尤其當你入彎做錯動作時,畀到你嘅反應係好似真車一樣。」說到電競賽車,Marchy覺得很有發展潛力,但應沒可能取代真實賽車,「始終真實賽車有太多吸引之處,遊戲可以畀到賽車嘅速度感,但有啲嘢暫時都做唔到,例如坐喺車廂入面好熱好緊張嗰種氣氛同埋刺激感。不過有呢啲咁真實嘅電競賽車遊戲,對賽車運動發展都會有好大幫忙,因為賽車唔係一樣大眾化嘅運動,唔係籃球、足球你買個波去球場就可以打,賽車要好高昂嘅費用,好多年輕人就算有興趣,家長都未必配合到。但如果遊戲真實度咁高,就可以透過賽車遊戲吸引更加多鍾意賽車嘅朋友入門,而且?家方程式車手都會用模擬器訓練,所以用遊戲訓練賽車手係好合理。」

是的,之前GT也有賽車學院,讓遊戲高手成為真正賽車手。旁邊的唐偉楓亦說:「不過要做真正賽車手,除咗技巧之外,體能都好重要,賽一場真實賽車需要好大體力,真實賽車又會有G-Force,所以我覺得電競賽車可以令更多人踏入賽車嘅門檻,但要做真正賽車手還要經過很多其他訓練。」

專用T-GT軚盤易操控 性價比高
遊戲活動舉辦到本月19日(星期四),仍有時間可以去玩去買遊戲。官方於觀塘apm設置了一個「PS4 Gran Turismo Sport無限極速地帶」,現場有遊戲試玩,更可以試到價值$6,499、專為遊戲而設計的Thrustmaster T-GT軚盤。車手唐偉楓試過之後說:「操控同反應都好細緻,相比起真實賽車,我覺得這個軚盤已經有40%真實感,雖然不算多,但對比起價錢,性價比已經很高。」現場有購物優惠,PS VR連攝影機同捆裝照原價賣$2,988,但就有PlayStation迷彩摺叠枱送,仲可以用$388換購PS VR專用射擊控制器、遊戲《Farpoint》及《PlayStation VR Worlds》,慳接近$700。還有一個重點,就是《GT Sport》聯乘模型車品牌Tarmac Works,推出「Tarmac Works1:64 Nissan GT-R NISMO GT3賽車模型」,全球限量發售1,000套,當中500套於現場率先接受預訂。這部車是GT系列製作人山內一典參加第41屆紐堡靈24小時決賽時駕駛的車款,售價$160,抵儲!


41歲香港車手李英健談及自己電競賽車的表現說:「呢款賽車遊戲咁真實,都應該ok,唔會太差嘅。不過都係唔敢講,可能好多機迷好專注、好識運用對遊戲嘅認識,有優勢嘅。」


唐偉楓說今集遊戲物理操控比之前更細緻,而呢個Thrustmaster T-GT軚盤,以這個價錢有這個質素,都抵玩。


唐偉楓的弟弟、17歲的唐偉軒也是賽車手,他說現在電競賽車也有很多比賽,獎金豐富,不過他還是喜歡真實賽車那份極級刺激感。


Thrustmaster最新T-GT軚盤,$6,499,配合PS VR玩效果更正。


早前遊戲推出體驗版,很多玩家試玩後都被攝影模式吸引,相片幾可亂真!


在香港PS官方fb有專影靚車的攝影師Chester Ng在《GT Sport》「景觀」模式內拍攝相片的教學。


《GT Sport》限定版主機,可惜並非PS4 Pro,令吸引力大減。


現場設有四部Thrustmaster最新T-GT軚盤連賽車椅,可以先體驗後購買。


「Tarmac Works1:64 Nissan GT-R NISMO GT3賽車模型」,$160,抵玩。


大會找來身價超過300萬的本田(Honda)NSX到場,更貼上「GT Sport」拉花。

「PS4 Gran Turismo Sport無限極速地帶」
日期:即日至19日
開放時間:中午12時至晚上10時半
地址:觀塘apm大堂

採訪:陳孝義
攝影:劉永發
編輯:陳慧玲

source : http://hk.apple.nextmedia.com/supplement/tech/art/20171018/20185840
+++++++++++++++++++++++++++++++++++++++++++++++++++++++++++++++++
應該幾好玩
Good0Bad0
2017/10/18, 11:14:07 上午
本貼文共有 0 個回覆
此貼文已鎖,將不接受回覆
發表文章發起投票