HKGalden影視臺
發表文章發起投票
【煲劇狂迷】港煲劇跑手亞洲排第五 最多人即日睇晒《深夜食堂》



好多人都愛煲電視劇,好似記者最近就有個朋友常常自豪地告訴身邊人,自己只用了12日便煲完七季《Game of Thrones》,亦有朋友睇完一次《The Big Bang Theory》,現在又從新再煲一次。你以為咁已經夠瘋狂,其實都只是小兒科,Netflix剛剛就發表了一個煲劇統計,更從中發現了一大班他們稱為「煲劇跑手」的真正超級煲劇狂迷!

Netflix就話,呢班「煲劇跑手」鍾意在一天內極速完成其他人需要幾星期先睇得完的內容,即是要在一日內煲盡全季新劇,爭取在新劇推出後成為首位在24小時內煲完整季劇集。而單計Netflix會員,當中就已經有840萬人屬這類「煲劇跑手」,而且更有繼續飆升的趨勢,從2013年到2016年間於劇集推出即日完成整季劇集的總人數就增長了20倍!而香港人就當然唔會示弱,「煲劇跑手」佔會員的百份比,在亞洲地區中排第五,第一至第四分別是馬來西亞、新加坡、菲律賓和台灣。雖在總排名攞唔到第一,但香港原來是全球最多人即日完成《深夜食堂:東京故事》,可見日劇對港人的確有不一樣的吸引力。另外,香港最多人即日煲全季的劇集,原來是《漫威捍衛者聯盟》(Marvel’s The Defender),唔知有冇你份呢?


香港最多人即日煲全季的劇集,原來是《漫威捍衛者聯盟》(Marvel’s The Defender),唔知有冇你份呢?


單計Netflix會員就已經有840萬人屬「煲劇跑手」,而且更有繼續飆升的趨勢,從2013年到2016年間於劇集推出即日完成整季劇集的總人數就增長了20倍!

雖然統計結果係幾有趣,不過記者個人都冇乜興趣瘋狂煲劇,亦相信不眠不休地煲劇絕不是個好習慣,影響精神和日常工作就更弊!計我話,睇劇當然冇錯,但就點都應該適可而止,得閒睇下,慢慢在空閒時逐集追,也是追劇的一種樂趣啊。


香港人「煲劇跑手」佔會員的百份比,在亞洲地區中排第五,第一至第四分別是馬來西亞、新加坡、菲律賓和台灣。


10套港人最愛煲的Netflix劇集,你又睇過幾多套?

記者:韓繼聰

source : http://hk.apple.nextmedia.com/supplement/tech/art/20171020/20188547
+++++++++++++++++++++++++++++++++++++++++++++++++++++++++++++++++
《深夜食堂》未睇過
Good0Bad0
2017/10/20, 10:49:32 上午
本貼文共有 0 個回覆
此貼文已鎖,將不接受回覆
發表文章發起投票