送一批 iphone8p 去華強, 順便開個炒賣報告

最新觀察係, 比香港人屌得多, 上邊變得整潔咗. 但周圍仍然有陣怪味. 可能佢地成日食辣嘢

啲人衣著無以前咁柒, 大量 mk look. 啲女一樣姣









電子市場, 電腦市場, 消費品市場, 維修市場, 手機市場, 人流少過兩年前好多. 我問幾間店家, 佢地話人少咗一半以上, 但由於產品加咗好多價, 收入無減少仲多咗. 不過我見每處地方都有 20% 空舖. 以前係 100% 滿的

入到遠望(放機熱點), 一入去就幾條散戶追住我問我係咪放手機, 我問佢地出幾多錢(試價, 無諗住賣比佢地). 佢地比我合作開嘅少200 人仔, 咁就 bye 啦

去到相熟店家, 先飲杯招呼茶, 吹吓水. 再交易. 一手交機一手交錢. 佢用驗鈔機數比我睇. 交易完就繼續吹, 佢地話 ip8 反應一般, 賺唔到大錢.

其實整個華強, 有 90% 手機相關行業都係賺 Apple 生態. Apple 做得唔好, 大家都會一齊慘

不過佢話 iPhoneX 需求就好大, 已接過千訂單. 同我講我有幾多都收. 不過就唔敢講定個價錢

吹完水, 見頭先班友仲跟住我. 立即袋住啲錢衝去銀行入錢. 順便開埋手機支付寶. 方便下次唔使收現金, 大陸好危險!

留咗五千蚊, 周圍行買咗好多 apple 周邊, 線, 插, 轉換頭, 手機套(送比公司女同事), 玻璃膜(幫女同事貼), keyboard 矽膠, 火牛, 大陸 wifi router($35隻). 再幫公司買Canon 相機電池, 一套 LED 拍攝燈

最後, 係大陸福喜食咗個大大餐, 然後返香港了