【天真嬌】男友求婚成功鍾欣潼IG晒巨形鑽戒

Twins兩位成員去年先前被爆拍拖，其中阿嬌鍾欣潼同台灣男友有「醫界王陽明」之稱嘅賴弘國拍拖。

阿嬌喺上週度過37歲生日又傳嚟好消息，今日凌晨佢喺ig貼上左手無名指戴上巨形鑽戒嘅相片，仲留言：「下一站幸福！」。
男方透過友人獨家回應台灣《蘋果》：「我不是藝人，希望低調，但會努力作好自己的事業，給阿嬌最大的幸福，也希望大家能給予祝福。」
阿嬌答應男友求婚，好友阿Sa亦有更新ig貼上同阿嬌嘅合照並留言：「千言萬語在心中！」似乎記係戥好姊妹開心。
鍾舒漫接受《蘋果》電話訪問表示已恭喜師姐：「頭先我有send whatsapp畀佢，因為其實我都替佢好興奮，我就恭喜佢囉。」問到阿嬌點回覆？Sherman表示：「我估呢刻好多人恭喜佢，佢就say咗個thank you，佢都好忙覆message。」