https://video.appledaily.com.hk/mcp/encode/2018/02/13/3548475/20180214_sub801newAD_clean_w.mp4


只要地方夠黑和夠空曠，再加少少心思和攝影技術，就能影到港版北極光。

在網上不時見有女生大呻另一半唔識影相，對方往往要影一百幾十張，才有一張稍為滿意的，而男士們就只能默默地影完又影，敢怒不敢言。現在有救了，今次找來攝影師教你影港女必like嘅北極光！唔使驚，影呢個港版極光唔需要花你幾萬蚊，只要花少少時間同心機就得喇，情人節食完飯去影就啱晒。


早前有客人希望帶另一半影北極光，鄧英奇就聯想到不如在港滿足客人願望。


de odd影樓老闆、婚照攝影師鄧英奇。


拍攝用的LED燈，需預先貼上藍色、綠色玻璃紙，還要包一層膠袋，營造北極光朦朧美。


相機腳架一定要穩陣，大風都吹不郁，因為腳架一郁，拍出的影像都會變朦，不夠逼真。


其實使用普通閃光燈已經足夠，不一定要用攝影師這款專業版的。


記緊要將相機設定為後簾同步（即將flash curtain設定為rear），拍出來的景像才會夠sharp，無鬼影。

專門為準新人度身訂造，影故事性婚照的攝影師鄧英奇，眼見近年很多新人都專程去冰島拍照，望能影一輯以北極光為背景的婚照，「但北極光是很seasonal的，去到都未必見到，見到都未必影到，之前有個客人想完成女友心願，帶她影極光，我就想到在香港幫他們做出來。」影這個極光難度不高，不一定要攝影高手才影到，需要的架生亦很簡單：相機、腳架、閃光燈、LED燈棒，同最重要嘅……伴侶。想知點影？睇片啦！


如果設定為前簾同步，會很容易出現鬼影。


記得用慢快門，否則是拍不到光軌的，今次就設定為10秒。


如何揮動LED燈，其實沒特定技巧，可以試左右、上下或前後，最重要是發揮出自己的創意。

記者：黃子配
攝影：潘志恆

source : https://hk.lifestyle.appledaily.com/lifestyle/special/daily/article/20180214/20304658
+++++++++++++++++++++++++++++++++++++++++++++++++++++++++++++++++
咁勁