首富李嘉誠旗下連鎖超市百佳，幾乎壟斷港人日常生活的需要。本港過去曾有許多辦館及小型超市，惟因兩大超市早前發起減價戰，令小型超市無法競爭而倒閉；早年亦有零食連鎖店因平賣可樂，疑得罪大型超市，遭供應商封殺。有學者認為，本港雖有競爭法，惟遏止大型超市利用其市場優勢進行壟斷未見成效，「有啲野唔需要講明，畀貨嗰個（供應商）都唔敢得罪（大型超市）啦」。

記者 張文鈴
消委會於2013年公佈《雜貨零售市場研究報告》中，指本港兩大連鎖超市分店數目及客量計算，在食品零售市場，百佳及惠康佔有率分別為28.6%及33.9%，共佔市場六成。報告顯示，百佳及惠康疑向供應商施壓令消費者不能買平貨，同時有75.6%供應商需在不同程度上支付貨品推廣費用，90.2%被要求繳交「上架費」；亦披露領匯與兩大超市的綑綁式租務安排，令超市享有大幅度租金優惠，間接踢走小商戶，變相助長兩大超市的市場優勢。

西營盤通泰超級市場是本港已僅有的小型超市，負責人李豐年表示，30、40年前百佳、惠康以減價戰令當時很多小型超市倒閉，「記得好似3個月內30幾間小型超市執咗，之後得返10間以內」。他指，其超市得以繼續營運，原因是不收「上架費」，若供應商希望測試市場反應，多數都會在其超市售賣產品，因此超市內的產品種類較多和有特色，部份產品大型超市也未必有。

他認為，現今大型連鎖超市不會視小型超市為競爭對手，但「通常係啲大型超市之間有價格戰，就會殃及到我哋…如果大路啲貨，好似廁紙、油個啲（售價）就冇得同佢哋（大型超市）爭」；又指相信大型超市不會在舊區開分店，因舊區已經飽和，大型超市目標是重建區或港鐵沿線的地區，「新開嘅超市會喺港鐵到嘅地方，好似土瓜灣，人口有轉動嘅地區」。

零食連鎖店759阿信屋在2011年，原以每罐2.7元出售可口可樂，但阿信屋聲稱被太古多次要求加價。阿信屋應要求將每罐加至3.8元，但來自太古的壓力未減，最終阿信屋停賣罐裝可口可樂，但不足一日後太古停止向阿信屋供應所有飲品。事件懷疑因有不少分店的阿信屋平賣可口可樂，威脅到大型連鎖零售商生意，被供應商封殺。

中大商學院客席教授冼日明表示，本港以前零售店多以家庭式經營，例如辦館、士多等，只有在外國人、富裕人士居住的地區才有超級市場；但隨著大型超市一站式、方便購物的優勢，加上本港地產迅速發展，連鎖大型超市通過進駐商場擴大市場佔有率，形成市場優勢，「香港近20、30年愈城市化，而超市具備消費者期望嘅方便、價格平同信心，加上租金係咁升，自然對小店形成壓力」。

他又稱，連鎖超市會要求供應商付「上架費」、不得向其他商戶以低價售貨、甚至以推廣活動之名，要求以低價售賣產品，但差額由供應商自行承擔。本港近年成立競爭法，惟他認為連鎖大型超市雖法例上不能以市場優勢進行壟斷，但「咁有啲野唔需要講明，畀貨個個都唔敢得罪啦」。

「唔幫襯地產商一年」發起人的龐一鳴表示，近年發現有大財團將店舖改名，佯裝小店經營生意，例如售賣蔬菜、肉類等食品，並以平價、新鮮作招徠，而背後卻是集團式營運，「小市民一般冇咁多時間搵（小店）資料，而且都未必搵到」，這對於真正小店來說是一種破壞公平的營商環境。

他提到，自己在1997年前十分欣賞李嘉誠，但近20年才如夢初醒，「呢種包攬生活，物流、電、電訊……跨各種行業全方位壟斷，禍害咁大」，又指「（李）作為商人好成功，但作為市民生活受苦就愈明顯」。他期望市民盡早醒覺，打破大財團霸權，重新在社區建立關係，支持小店營運。


https://hk.news.appledaily.com/local/realtime/article/20180316/57952859