https://hk.news.appledaily.com/local/realtime/article/20180321/57973574


巴士的事討論區facebook群組昨上載一段由巴士車長WhatsApp群組流出的片段，指一名駕駛89D線、23歲姓霍的九巴車長，前日下午因車廂噪音問題，遭46歲姓吳的躁客粗言辱罵，報警後竟被惡漢扯甩口罩拍攝容貌。

車長臉部不但受傷，躁漢更語帶恐嚇叫車長「揸呢條線小X心啲」，惟車長淡定應對，被不少網民激讚專業，甚至大讚他英俊。該名車長其後在帖文留言，親解遭辱罵起因，原來與躁客及其鄉音妻子在車廂打仔有關：

我架車下午5時22分於藍田總站開出，對男女新移民與兩個大細仔同行，喺總站上車。

一上車，個細仔已經扭計尖叫，我見住呢對男女勁打個細仔，然後我將架車駛到去觀塘法院前個燈口位停車，我就要求佢哋教仔返屋企教，唔好騷擾我揸車，影響到全車人，個男人就發惡講粗口，多次問候我老母侮辱我，我同佢講道理，但佢聽唔入耳，之後我將架車駛到觀塘法院，當中有乘客禮貌要求離開車廂，我當然讓佢哋落車。

該對男女走上嚟駕駛座，並用手機影我，當時我已經報警求助中。

由於我有戴口罩，個男人就用力拉扯我口罩影我個樣，呢道無情力整到我好痛，期間亦離唔開不停聽到粗口，我感覺好難受，但理解咁會阻礙車廂其他乘客。

警察嚟到問話，九記督察亦都到場，最後男人被警方帶走，個女人就潑婦罵街不停咒我咁。

我好希望同行嘅車長都受到應有嘅尊重！市民亦需體諒。

由於該巴士沒有車cam，我只可以將架車停定喺安全地方，先可以用手機拍攝，以保障自己。