HKGalden體育臺
發表文章發起投票
一起悲鳴一齊練 「月巴族」專用拳館



https://video.appledaily.com.hk/mcp/encode/2018/04/04/3583447/20180405_SUB428NEWAD_w.mp4


阿浩說他開拳館就是要讓「月巴族」來練拳,It's possible!

切勿讓肚腩,成為你追夢的絆腳石。在拳館的擂台上,今日的主角體重110.3kg,雙膝斷過韌帶,血壓高、睡眠窒息症,打了一輪沙包扯起衫腳抹汗,圓渾肚腩如箒喱般彈出,「人間兇器」呀!「我開拳館,就係要專畀『月巴(肥)族』一齊來練拳,練『月巴之拳』!」

嚴偉浩(阿浩)讀大學時是運動健將,標準身形80kg,是大學足球隊預備組。經過兩次意外,雙膝韌帶先後受傷,醫生告誡他遠離球場,若韌帶再傷,未必能再復原。休養九個月之後投身職場,一樣的食量,卻零運動,導致體重飆升,「人重了體力又差了,真係跑一陣就一身汗。又怕傷膝,但咁唔掂喎,我仲係想玩喎,我避開足球就好了吧。」於是羽毛球、潛水、風帆、體操甚至滑雪,他多辛苦都要玩要練。幾年來體重一直上升,但運動範圍一直擴張,今年還加入欖球隊,他心諗佔盡身形優勢仲唔撞死你哋?誰知,「人哋大嚿得來係肌肉,我係肥肉,無技巧的話還是會被撞飛碌走。」說得超搞笑。開心肥仔的形像,就係面對自己,不介意旁人眼光,娛己娛人嘛,其實他還是有底線,那條線在心底深深處,「其實我好久沒去沙灘,又唔敢跑街,成身肉,除衫『啷啷吓』,好似唔係幾好睇。」

貪玩學拳成契機 肥仔開拳館
「怯!就輸一世啦!」貪玩走去學拳,被大中細碼爆肌「彭于晏」360度包圍。「我知道有啲人都係由我咁款練到彭于晏咁,但始終肥人動作慢,我驚拖慢同學進度;人哋輕鬆做到的動作,我谷到面都青埋;我踢腳嘅範圍又好似比其他人大,唔好意思喊停,又唔好意思踢到人喎,好大壓力。」月巴族做運動最大的難關,除了熱、重同累,意志好易被打沉。阿浩突然叮一聲,「但如果成班人都係100kg以上,我就放心好多喇!」機緣巧合下,他與三個正宗拳手與教練開拳館,特設「月巴時段」,只招待BMI(身高體重指數)超標(多於25)的月巴族放開懷抱齊齊練。


自認面皮幾丈厚,但初次上拳館對着鋼條身形的同學行來行去,攤唞幾次人家還在練,他說累不在身體而在心裏。


歡迎任何BMI超標人士參加,爆肌者請暫時讓路。

特別擬定練習項目 學員互動頂硬上
他們有物理治療師朋友幫忙擬定練習項目,如採訪當日是月巴班的預演,六個型男索女,特選的肌肉練習如空中踩單車、仰卧起坐、up-down plank(撐體)到mountain climbers(登山者)等動作,可減少重磅者傷膝、傷腰的機會。一般的掌上壓對關節負荷太重,就換做牆上掌上壓。不強行追求效果強勁,有人谷到五官揦埋一嚿、「紅都面晒」、典床典蓆,「屍橫遍野」,但開心熱鬧。阿浩說:「最回味及回憶的是過程,第二是一起喊是最好的。『嗚呀好辛苦呀!好累呀!個肚好震呀!』」參加者Fiona說:「我有玩曲棍球,有時見到fit嘅同學會覺得『唓!你哋咁fit梗做到!我點同呢?』會畀藉口自己放棄,或hea做(笑),但頭先見到個比我肥的,都頂硬上做到啲動作,旁邊那個嗌晒救命咁,大家嘻嘻哈哈,我又唔想放棄。」

站在幾個fit爆合夥人兼教練中間,阿浩就像漆黑中的螢火蟲般,鮮明又出眾。一個不懂打拳的肥仔做老闆,倒米喎?「唔通楊受成又會唱歌咩?有個地方,正好畀我公餘及放假來打躉,逼自己練拳,好過在家越坐越肥。我不是想變彭于晏,只是想自己健康些,想身邊的朋友都健康些。」


平板支撐換手練習,學員雖然做到面容扭曲呼天搶地,但氣氛好開心。


參加者Fiona說,見到比她重的人都頂硬上,她都好想跟上。

B2 Fitness
觀塘開源道55號開聯工業中心4樓433室

記者:陳慧敏 
攝影:鄧鴻欣、許先煜、潘志恆 
編輯:彭錦明

source : https://hk.lifestyle.appledaily.com/lifestyle/special/daily/article/20180405/20352093
+++++++++++++++++++++++++++++++++++++++++++++++++++++++++++++++++
打到心臟病
Good1Bad0
2018/04/05, 11:25:17 上午
本貼文共有 0 個回覆
此貼文已鎖,將不接受回覆
發表文章發起投票