【新增回應】
富士電視台嘅長壽電視動畫《櫻桃小丸子》，從90年代播到o依家，可謂橫跨咗幾代嘅觀眾，絕對係大人細路嘅美好回憶。

不過，《櫻桃小丸子》噚日喺日本播出嘅最新一集卻發生「靈異事件」，唔少觀眾都發現同一個畫面竟然同時間出現兩個嫲嫲，繼而引起網民喺社交網洗板式討論。
呢集劇情交代到小丸子一家爭睇電視，本來坐低嘅嫲嫲就起身行埋電視機轉台，點知鏡頭一轉，嫲嫲企喺電視旁邊嘅同時，原位仍然見到另一個嫲嫲坐喺度，仲同其他家人一樣，對「自己」轉台呢個舉動用滴汗來表達出無奈之情。其實出現兩個嫲嫲，好明顯係製作單位出現罕見嘅擺烏龍情況，由於日本節目甚少出現呢類致命性嘅失誤，唔少網民都議論紛紛，有人疑問係咪刻意加入嘅恐怖元素，亦有指劇情可能交代嫲嫲一直係對「孖妹」，仲話佢可能識得靈魂出竅。
及至今日，電視台方面對於今次失誤已作出道歉，並回應指係作畫上出錯，表示今後製作時會加倍注意。
精選娛聞，喺晒《娛果》
https://hk.entertainment.appledaily.com/enews/realtime/article/20180416/58079001