http://video.cdn.on.cc/video/201804/OEN180420-147410-CO3-M_ipad.mp4















好熱情！

前晚歌手連詩雅（Shiga）穿黑色Deep V上衣出席馬戲團首映，吸睛程度爆燈！她進場時引來一班小丑注意，對她又拖手又錫手背，非常熱情！幸好她「鬼妹仔」性格，沒有太抗拒，之後進場睇騷。

急用手遮胸

表演期間，Shiga被三位小丑力邀上台，她甫上台即被他們再錫手仔，全場拍掌歡迎。之後其中兩位小丑退後，表示要變魔術給Shiga欣賞，說畢一人一邊扯走長布，變出大隻猛男。Shiga見狀尷尬傻笑，未來得及反應之際，大隻猛男已走到她跟前，單膝跪下兼伸手索吻，她亦乖乖照做，大隻猛男突然將她抱起轉圈，Shiga即時大嗌，為免Deep V上衣春光乍洩，緊急用手遮胸，加保不失。

「過程好玩」

事後Shiga接受電話訪問時，承認對此突如其來的舉動感驚訝：「自己都好期待睇呢個表演，嗰時係一個同觀眾互動嘅環節，其實上到台已經又緊張又興奮，不過整個過程都好玩嘅，嗰個大隻男真係好大隻，加上佢又冇着上衣，望住佢已經緊張，所以一嘢抱起我嗰時就大嗌，都冇諗過突然被猛男抱起我。」她又笑指小丑於台上不斷叫「Shiga」幾十次，故中場休息時，身邊有好多觀眾跟她打招呼。

----------------------------

東網巨星開咗ig喇，大家快啲follow

https://goo.gl/KGuo2N

來源 source: http://hk.on.cc

+++++++++++++++++++++++++++++++++++++++++++++++++++++++++++++++++

好勁