鄭融想開個人騷。

歌手鄭融出席戶外音樂會，她表示很久沒做這些演出，笑言剛才唱唱吓歌突然見到同學嚟支持：「我喺附近做gym，突然見到我個健身教練嚟咗支持，當然都見到好多fans支持。」問到可會期待舉行個人演唱會？佢話：「期待，但香港開騷唔容易，當然有得做solo騷好開心，但隨緣啦，票房都係最大問題。（會唔會玩crossover開騷？）其實之前都同連詩雅crossover過，壓力少啲，睇吓搵唔搵啲朋友一齊玩。（想搵邊啲朋友？）薛凱琪、側田，可以問吓佢哋。」

另外，鄭融表示最近推出快歌《一切天空早注定》，透露之前冒病拍MV：「拍咗17個鐘，期間仲要落水，但我嗰陣係發燒，又唔敢話畀同事聽，所以自己帶埋啲蠟燭同念珠，一路拍一路祈禱。（拍完之後個病有冇惡化咗？）又冇喎，因為之後瞓咗3日，同埋我帶埋藥去拍，其實嗰日我哋拍到凌晨3點幾，但之後我仲同工作人員食消夜，食到5點。」問到男友可有心痛？佢又話：「佢唔笑我都賺咗，佢成日笑我郁啲就病。」問男友有冇照顧佢？鄭融笑言：「我自己照顧自己，佢畀我學習更獨立，需要時現身就好感激。」

---------------------------

東網巨星開咗ig喇，大家快啲follow

https://goo.gl/KGuo2N

來源 source: http://hk.on.cc

+++++++++++++++++++++++++++++++++++++++++++++++++++++++++++++++++

唔係收咗山