HKGalden飲食臺
發表文章發起投票
中出羊子:發現一個神級的Youtube Channel
發現一個神級的Youtube Channel,一個疑似弱智領取倫殘津貼、以自貼進食垃圾食物和改詞翻唱為樂的肥仔,憑歌說教,呼籲窮人唔好生仔:生仔貴又辛苦,支出很高冇錢養,間屋細,肯定會谷氣,「兒童受苦邊個錯,不懂避孕的禍,窮人做到身體極累卻賺極低既酬勞,你想讓仔女似你辛苦活著到死,直接唔造解決問題」。粵語填詞本來就不容易,歌詞熱情奔放,創意無限,卻又離奇地大致啱音,部份調寄古典樂曲,有麥兜式黑色幽默的喜感。

華人就是如此迷信生仔,又不會考慮是否能養能教,生了又冇能力養,又不反思點解個社會會搞到人冇能力養,能養了,又唔識教,只懂把自己的期望加諸於後代,誤信贏在起跑線,拔苗助長,逼上絕路,種種青年自殺悲劇因此而起;即使唔死,生在當下香港,沒有能令低學歷人士安身立命的本土工業、小本生意,只能屈居服務業,終日對住西客,或者一身好本領也充其量只能當隻IT狗,生不如死,混混噩噩,萬零蚊人工,咁就一世。

拒絕生仔,不為資本家提供奴動力,也是一種消極抗爭,中華文化博大精深,全國古惑仔,有本事你咪請晒內地同胞。記得選民力量歐陽英傑說過佢唔會生仔,那是一種對社會的不信任投票,在香港變好之前,都唔會生仔。零成本又可以玩野,何樂而不為。怕冇人陪,那就領養毛公仔小動物,得意可愛,養番一百幾十隻,兒孫滿堂,不見得會有所負累。

又有青山精神病醫院之歌,改篇自綠袖子,估計是訴說其本人入住青山醫院期間與出院時的感懷:「青山出院不好玩,沒有錢食飯要去攞綜援,大概醫生得都很多問題,無助解開你心裡邊閉翳,香港認真好得意,寧願青山裡住過世」。那個Youtuber,佢唔係痴線,佢比無數香港人更要清醒,佢在痴線嘅時代做了正常嘅事,佢的存在,令我覺得香港總算有了個哲學家,青山因你而自豪。
Good3Bad2
2018/07/16, 8:47:11 晚上
本貼文共有 0 個回覆
此貼文已鎖,將不接受回覆
發表文章發起投票