梁美芬身形明顯瘦咗好多，仲有曲線添。(受訪者提供)[/size=5][/b]

立法會議員梁美芬最近頻頻露面，明顯瘦咗好多。原來佢趁暑假減肥，2、3個月瘦咗10幾磅，依家嘅體重同啱啱做議員時差唔多，連當年買嘅衫都著得返添！

相信大家都好想知佢嘅減肥方法，梁美芬話搵咗營養師整張餐單，盡量減少食碳水化合物，同埋要同全脂牛奶講拜拜，轉飲脫脂奶或豆奶。運動都好重要，佢好勤力咁1日做2次運動，例如跑步，仲會趁放狗期間，同狗仔一齊跑。照咁講，唔知狗仔有冇瘦到呢？仲有，依家佢少咗搵司機車佢出街，會特登由屋企行45分鐘去港鐵站搭車，乘機行吓路。

早幾日佢帶媽媽搭高鐵到肇慶玩，見佢影咗啲相，真係瘦。不過佢話，立法會休會期間少咗應酬，所以容易控制飲食。復會後有番應酬之後點算？佢就話唯有食少啲乳豬喇！