https://video.next.hk/mcp/encode/2018/10/14/3712586/20180928_ent_cheng_sukey_v2_w.mp4

鄭敬基一家面對印傭Tini偷竊惡行，但顧念16年僱傭情誼下，最終放棄起訴，只終止雙方合約了事，放對方一馬回鄉渡晚年。

但無諗過呢位貪婪印傭，早為自己惡行謀後路，反咬鄭家一口。

鄭敬基為印傭Tini偷竊報警，此時老邁嘅鄭媽媽才爆出Tini偷嘢有前科。當時鄭媽媽對傭人視如親人看待，因此選擇原諒，仲為佢忍瞞事情，結果心軟變成縱容。「贖番啲首飾嗰晚，大家坐喺度傾，佢至講番俾我哋聽，06年曾發生印傭偷嘢。起初印傭唔肯承認，直至媽咪話會搵當警師嘅親戚上嚟了解，印傭驚起嚟先和盤托出，承認自己偷咗媽價值四萬蚊嘅首飾。於是媽咪寫咗一張印尼文嘅證據信(鄭母係印尼華僑)，話佢偷咗啲嘢，喺二○○六嘅時候，總值四萬蚊，每個月喺人工扣一千蚊，直到扣完為止，所以媽咪唔係第一次原諒佢偷嘢，而且佢一直都有問媽咪借錢，可能還完一千，轉頭又借三千，還完五百，可能又借幾千。」鄭敬基太太邊說邊拿出當年有印傭Tini簽名的單據。

狡猾嘅Tini，不時向鄭媽媽借錢，然後按每月薪金，扣除部分清還，但同時佢藉機埋伏陷阱。就在鄭敬基準備將印傭送返印尼嘅前幾日，鄭敬基太太續說:「經紀急call我，我心諗發生咩嘢事，所有嘢都安排好晒，準備送佢返去。經紀話，工人嘅朋友同咗啲印尼網上媒體講，話我哋刻扣工資，做咗二十年，頭十六年都只係俾二千蚊人工，最後四年至俾三千蚊一個月，印尼領事館從網上媒體知道咗呢件事，要我哋去解畫。其實最初聽到已經覺得好荒謬，如果我哋咁多年都刻扣你工資嘅話，你可以唔做㗎嘛，點會再同我續約？同埋基本上工人仲瞓喺醫院，連嘢都講唔到，佢點可能俾到咁多資料，話喺度做咗幾多年、我哋俾幾多錢人工，同埋佢都唔係喺我哋屋企工作二十年，佢只係做咗十六年，呢啲所有資料都係有預謀嘅，感覺就好似想敲詐我哋咁樣。所以當晚我就準備好所有資料，例如幾時偷咗我哋嘢、借過媽咪錢、幾時借幾時還、幾時又借多啲等等，第二日我就去到印尼領事館解畫，好彩對方都明白事理，聽完我哋講都知道發生咩嘢事。

其實心裡面都真係嬲，心諗有冇搞錯，到而家都要搞搞震，搞埋啲咁嘅嘢，返去安享晚年就算啦，仲要搞啲咁嘅嘢，覺得都幾煩厭。」

之後佢哋仲發現，印傭在家中收埋疑似降頭嘅物品。「因為都同經紀聯絡過，執好晒佢啲嘢，叫佢啲朋友上嚟裝箱，我就搵到呢樣嘢，我直覺話俾我聽係降頭嚟嘅，係一塊紅色嘅布，裡面包住一把木造嘅劍，仲有啲好似燒過嘅嘢，包埋一齊，搵條紅繩綁住，後來佢啲朋友上嚟執嘢嘅時候見到呢樣嘢，我遞俾佢哋話睇，佢哋見到反應係好驚慌，我覺得成件好心噏，好心寒。」鄭敬基太太說。

來源 source: http://nextplus.nextmedia.com

+++++++++++++++++++++++++++++++++++++++++++++++++++++++++++++++++

印傭簡唔中都有單