https://hk.entertainment.appledaily.com/entertainment/daily/article/20181015/20522250

劉美君寄語《造星》十強磨刀仔
Eric Kwok：姜濤前途無限

2018-10-15
娛樂名人

由ViuTV主辦的《Good Night Show全民造星》昨晚在九展舉行總決賽，從最後十強中選出勝出者，勝出者獲得一百萬現金獎，賽制由現場評判及網上投票各佔一半分數。



ViuTV節目《全民造星》昨晚舉行總決賽，十子在歡呼聲中登場。


人品好純

四位星級導師郭偉亮（Eric Kwok）、劉美君、火火及麥秋成於賽前見傳媒，Eric Kwok與麥秋成睇好梁業（肥仔），Eric Kwok說：「肥仔似黑馬，佢乜都有，係差個樣，人又好。

肥仔係最勁呢三個月嚟咁辛苦依然咁肥，姜濤前途無可限量，嗰一百萬不如留畀人啦。另一個Ian都有機會，因為佢係好多女仔心目中嘅男神，唱歌又好聽，不過我老婆鍾意Lokman，相處呢三個月，佢哋十個人人品都好好、好純品。」

問到性格純品適合在娛圈發展嗎？Eric Kwok說：「始終都壞，由純到壞會好啲，呢個節目令到人覺得啲後生仔唔係淨係識得打機同hea，佢哋都好努力、好熱血，就好似無綫訓練班，呢個節目係一個奇蹟，下一屆再舉辦，未必搵到呢啲咁正男仔。」




Eric Kwok（左）與麥秋成作為星級導師，睇好肥仔是黑馬代表。



當是兒子

劉美君表示當十個參賽者是兒子：「我係媽咪，小朋友到大考，我唔會話佢，叫佢哋盡量記熟自己嘅嘢，表現自己最好一面，成績係點就唔重要啦。」

問到十強還有甚麼不足之處？她認為：「就算我劉美君到?家都唔會話好得，各行各業只會你多啲刀仔，越利就越好，唔會有最好嘅一日。」而火火就表示：「參賽者做到自己要求，但未達到標就係不足，就算你做到100分，喺呢行只係得12分，所以佢哋要努力。」

此外，曾參賽而落選的參賽者「193」郭嘉駿及阿bu（大姨媽）昨晚亦有現身，「193」染了一頭金髮，被30、40名粉絲包圍要求自拍，又送禮物，相當受歡迎。場外有不少燈牌為大熱門姜濤打氣，而打頭陣的邱士縉（Stanley）大騷肌肉。

採訪：黃曉妍
攝影：林賓尼


卓韻芝是其中一位星級導師，昨晚晒腿現身。


劉美君當參賽者是兒子。



李幸倪是昨晚總決賽的表演嘉賓。