是咁的
我是一個窮撚
咁去得澳牛食就知我冇錢買靚牛排自己煎啦
唔係使鬼去澳牛排隊咩
咁上得膠登既我都有覺悟知道唔可以食得慢
所以我一條腿踩到入去已經落好單
點知個waiter挨住幅牆,雙手抱胸，側面望住我,冷笑一句講左一句：「太慢啦」
我心諗你都唔係好快姐
點知佢手上面已經拎住碟炒蛋
佢唔係一路啤住我架咩,佢到底係幾時去拎炒蛋架
我為表自己唔慢,喺佢擺低碟炒蛋前已經一啖食晒
喺我想擺出勝利者既笑容時
佢笑住講:「先生你仲未食完架」
當我想發火屌鳩佢唔認輸既時候,我發現枱頭多左碟通粉
我突然明白到對住個waiter﹐我係有幾咁慢
佢冷冷地拋低一句：「一秒內食得完我就認同你」
仆你個街,唔講尤自可,一講把撚火
我即刻開足120%力量係咁食係咁食
但係根本冇可能一秒食完
當我心裡面諗緊認輸用咩台詞既時候
我聽到其他食客喺度同我講加油
我充滿住力量,大聲叫一句：「大家既心意,我收到啦！！！！」
我即刻轉換型態變成五條煙。烈焰巨角模式
呢一刻既我感受到原本三倍既力量
結果我極速食晒
個waiter大叫一句:「點可能架,呢個人竟然喺0.31415926535秒內食完」
我笑而不語，默默地埋單,臨走前不忘屌鳩個收銀找錢找得慢