即將就任新聞統籌專員民主黨前創黨成員馮煒光，父親馮錦鴻日前逝世，噚日香港佑寧堂舉行喪禮。雖然馮煒光今個月16號先上任，一眾官員亦有送上花圈慰問，負責幫政府甄選人手加入政府中策組顧問高靜芝亦有到場致祭。民主黨領導層未見現身靈堂，只見涂謹申、單仲偕、黃成智、柴文瀚等前黨友到場。


教堂門口放有發展局長陳茂波、特首辦主任邱騰華同民政事務局長曾德成等官員送上花圈。Emily門口未見到特首梁振英送花圈，唔知係咪放靈堂入面，皆因馮煒光月初獲委任後曾經講過會「實踐亡父遺志」加入政府服務。


兩新聞處長到場
另外現場所見，數名政界中人到場致祭，將出任政府新聞處長聶德權同埋現任新聞處長黃偉綸一齊現身。二人同馮煒光早有交情，而工作上新聞處長與新聞統籌專員緊密合作，在公在私，去靈堂慰問馮煒光都係正常。


http://news.mingpao.com/20131210/gzc1.htm