膠登仔都睇得明既簡易西史入門第廿二集:哈布斯堡受難記第四集:腓特烈無雙-奧地利王位繼承戰爭

發表文章

發起投票

蘿蔔絲脾耳

上一集:大北方戰爭
https://hkgalden.com/view/71885

贊助網站

13/12/13 3:29 PM

引用快速引用

本貼文共有 34 個回覆

此貼文已鎖，將不接受回覆

蘿蔔絲脾耳

https://youtube.com/watch?v=f_6AQA4uzD0

今集就聽住普魯士軍樂去睇啦

係十二世紀既神聖羅馬帝國霍亨斯陶芬家族同韋爾夫家族鬥過你死我活
最終兩個家族都以滅族收場
係霍亨斯陶芬朝最後一個皇帝腓特烈二世死後神聖羅馬帝國皇位由一個盧森堡家族既皇帝短暫擁有過
之後1328年維特爾斯巴哈家族既巴伐利亞公爵路德維希四世成為佢地家族第一個神聖羅馬帝國皇帝
然後經歷兩個盧森堡家族既皇帝之後神聖羅馬帝國皇位就落入左哈布斯堡家族手上
自此神聖羅馬帝國皇位就如同佢地家族私產一樣

路德維希四世

至今為止大家已經見過好多場因繼承權而引發既戰爭
繼承戰爭可以話係歐洲歷史既特色產物
但點解呢?點解其他地方冇咁西利?歐洲係特別多既呢?
所有原因只環繞一句話

婚姻係神聖既

廢話婚姻當然係神聖架啦都講到尋啦
唔只婚姻仲有選票仲有好多野都成日比人話係神聖既
有冇人諗過點解咁撚多野都比人話係神聖既呢?
如果比你返到歐洲或者耶撚既世界佢地就唔會咁講

係耶撚既世界只有教會可以叫神聖
天主教認為上帝賜獨生子耶穌降生教化世人然後收得十二門徒
其中大弟子聖保祿創立教會流傳至今
故羅馬教廷乃係上帝授權普世牧首上天係俗世既代行者
而男女既結合需經教會代表上帝既見證同祝福
婚姻之所以神聖

既然婚姻咁神聖要離婚當然要尋求教宗既授權啦
但如果我老婆生唔出又或者生出黎全部養唔大而我又唔考慮離婚既我可以點呢?
不孝有三無~~SEED~~後為大
中國理論上都係一夫一妻制既社會但如果老婆生唔出而納妾而個妾侍生得出而升佢為老婆係冇問題既
呢種玩法去到西方又點呢?

係西方如果你係平民你唯一可以流傳後人既就只有你農奴既身份真係唔生好過生
但貴族唔同佢地有咁大個國家死後要歸邊個手你唔擔心你身邊D人都同你關心
所以歐洲貴族要嫁女娶老婆唔係隨便合眼緣就算
中間一定經過大量政治計算確保生出黎一定合乎兩家族利益
不過結婚還結婚男人一定中意玩女人特別係有權有勢既
D貴族係老婆後面搵一大堆MARY黎屌甚至仲生埋幾隊足球隊都係等閒事
但返到屋企老婆竟然生唔出咁點呢?不如求其升隻MARY當生左?
咁問題又黎啦做得你MARY既都唔方係咩大戶人家同你門當戶對既飛機杯都嫁晒比其他肉棍
就算佢係貴族出身都高極有限如果你將個位傳比你同佢既後人
你死後你家族既成員會點? 你係其他家族既親屬會點? 你既平民親家保得住你個位?

1711年4月17日卡爾六世係炮火聲中繼承神聖羅馬帝國皇帝
佢一生環繞三場王位繼承戰爭
西班牙王位繼承戰爭係第一場

卡爾六世

係西班牙王位繼承戰爭哈布斯堡西班牙支系絕嗣
而奧地利支系既神聖羅馬帝國皇帝利奧波德一世剩係生得兩個仔
大仔約瑟夫一世已經係西班牙王位繼承戰爭尾聲死左
而家既皇帝卡爾六世就成為哈布斯堡九代單傳長子嫡孫
哈布斯堡家族遺傳事小哈布斯堡家族遺產事大
如果到我死我都生唔到個仔
奧地利公國匈牙利王國波希米亞王國神聖羅馬帝國呢堆野要點啊?
卡爾六世已經感受到佢背後眈眈既虎視準備同佢分身家啦

1713年卡爾六世頒布1713年國事詔書宣佈我既遺產全部可以由女性繼承!!而神聖羅馬帝國皇帝就由我既女婿繼承!!
乜撚野繼承啊!?神聖羅馬帝國皇帝你私產黎架!?選舉家嘛!!
佢背後班大老虎即時起哄

1716年尾卡爾六世老婆布倫瑞克-沃爾芬比特公國的伊麗莎白·姬斯丁娜傳黎懷孕既消息
卡爾六世每日就求神拜耶一定要係仔!!只要生到個仔出黎之前既野全部可以當冇發生過!!
1717年5月13日結果掀盅
女既

卡爾六世係上年生左個七個月大就死左既仔之後而家生既第二個係佢既大女瑪麗亞·特蕾西亞
而家佢又繼續求神拜耶第日一定要生到個仔希望在明天後代在枕邊
呢個時候卡爾六世人生第二場王位繼承戰爭係佢背後開始塭壤啦

卡爾六世全家福其中只有兩個養得大

1709年瑞典係大北方戰爭既波爾塔瓦會戰被擊敗
由卡爾十二世扶植公務員出身既斯坦尼斯瓦夫一世被趕落台
但佢以放棄波蘭王位為條件係薩克森選侯兼波蘭國王奧古斯特二世手上換到茨魏布呂肯公國
呢到係佢爬上貴族既第一步

雖然茨魏布呂肯只係同法國接壤無人希罕既邊境小公國
不過對斯坦尼斯瓦夫一世黎講咁樣已經足夠啦
因為呢到同法國接壤
好快佢就比法國國王路易十五世睇中
路易十五世唔係基佢係睇中佢個女瑪麗·蕾捷斯卡
1725年路易十五世同瑪麗·蕾捷斯卡完婚
呢到係第二步

1733年2月1日薩克森選侯波蘭國王奧古斯特二世過身
一如已往波蘭貴族又走埋一齊去選下任國王啦
做生不如做熟不如就比返斯坦尼斯瓦夫一世上黎啦
佢本身係波蘭公務員出身又真係做過波蘭國王係佢任內佢都管得我地幾高興啊

唔得!!!!!!!!!

波蘭周邊各國都屌晒老母啦
如果波蘭建立一個親法政權佢就可以用波蘭軒制神聖羅馬帝國同俄羅斯
再加上佢背脊已經有個波旁家族既西班牙如果法國得到波蘭國際平衡就會倒向法國
薩克森!!薩克森選侯既後人奧古斯特三世係可以接受既對象

俄羅斯奧地利薩克森支持薩克森選侯奧古斯特三世
法國西班牙薩伏伊支持茨魏布呂肯公爵斯坦尼斯瓦夫一世
最終決定權係波蘭議會

斯坦尼斯瓦夫一世

1733年9月斯坦尼斯瓦夫一世再次當選波蘭國王
俄羅斯奧地利薩克森向波蘭宣戰法國西班牙薩伏伊出兵支持波蘭
波蘭王位繼承戰爭開始

1734年俄羅斯攻入波蘭扶植薩克森選侯奧古斯特三世為波蘭國王
東線俄羅斯隻抽波蘭當然容易但係西線就冇咁好彩啦
奧地利薩克森遭到法國西班牙薩伏伊全力圍毆
法國西班牙薩伏伊攻佔全個義大利直逼奧地利本土
萊茵河好彩D睇場既係年近七十既歐根老親王
佢後面仲帶住隻廿六歲年青既普魯士王子腓特烈

奧古斯特三世

自三十年戰爭以黎巴伐利亞多次企錯邊成為哈布斯堡既陪葬品
係神聖羅馬帝國東北有兩個諸侯乘勢而起
一個係薩克森一個係勃蘭登堡-普魯士

薩克森靠位處易北河上游貿易中心位置賺左一大筆錢
前薩克森選侯奧古斯特二世就攞左呢筆錢去投資文化創作
係佢治下薩克森被稱讚為神聖羅馬帝國既雅典
奧古斯特二世非常滿意

佢既鄰居兼競爭對手普魯士相反
普魯士國王腓特烈·威廉一世對商業同文化不屑一顧
佢只對軍事有興趣
係佢治下既勃蘭登堡-普魯士一街都係警察監視佢臣民既生活風氣
全國既農民都拖晒去當兵街頭每日都係閱兵儀式
係佢治下勃蘭登堡-普魯士被戲稱為神聖羅馬帝國既斯巴達
腓特烈·威廉一世都好滿意
不過有樣野佢就好唔滿意啦
就係佢個仔腓特烈

一個軍人老豆就係生唔出一個軍人仔仔
普魯士王子腓特烈強烈厭惡粗魯既軍人生活
佢寧願同班行為優雅既美男子好友一齊遊山玩水吟詩作對
佢老豆就睇到眼火爆啦
唔得!!再係咁落去佢變成基佬啦!!人黎!!拖佢過黎!!我要教訓下佢!!
陛下王子同班FRD走左啦!!
走左!?同邊個!?公定乸!?
公架
死基佬!!!!!!!!!!!!!!!!!!!!!!!!!!

當腓特烈比人拖返返普魯士
腓特烈·威廉一世係柏林市中心當住全街市民同腓特烈面前處死左佢最好既基友
呢年腓特烈18歲
佢既青春以羅密歐與羅密歐式結局告終

普魯士王子腓特烈

八年後腓特烈被佢啊爸派到萊茵河跟住名將歐根親王搵食
係波蘭王位繼承戰爭既萊茵河戰場雖然有名將歐根親王鎮守亦無法扭轉奧地利既劣勢
1738年11月奧地利簽訂維也納條約
斯坦尼斯瓦夫一世得到洛林公國為補償放棄波蘭王位承認奧古斯特三世為波蘭國王
而本來既洛林公爵瑪麗亞·特蕾西亞新入門既老公弗朗茨·斯蒂芬就係奧地利手上得到托斯卡納公國

路易十五世經外公間接得到洛林公國
卡爾六世以維也納條約為條件得到法國支持1713年國事詔書
然後卡爾六世再以解散奧德斯坦公司令英國得以參與奧屬尼德蘭貿易換取英國係1713年國事詔書上面簽字
係英法兩國支持下神聖羅馬帝國大部分諸侯都係1713年國事詔書上面簽左字啦
1740年10月20日神聖羅馬帝國皇帝卡爾六世安然過身
留底既係佢既家產 23歲既大女瑪麗亞·特蕾西亞同佢38歲既老公弗朗茨·斯蒂芬
係自己既精心規劃下哈布斯堡定能永垂不朽

卡爾六世過身

佢一過身佢人生最後一場王位繼承戰爭就開始啦

1740年10月20日神聖羅馬帝國八大選侯齊集法蘭克福準備選舉新任皇帝
其中勃蘭登堡選侯係腓特烈二世佢係五個月前繼承病逝既啊爸腓特烈·威廉一世成為普魯士國王腓特烈二世

當八個選侯都完成投票全場人都等待宣票既一刻

瑪麗亞·特蕾西亞弗朗茨·斯蒂芬

神聖羅馬帝國皇帝...

巴伐利亞選侯卡爾·阿爾布雷希特!!

卡爾七世

全場人都圍過去祝賀新任神聖羅馬帝國皇帝卡爾七世
經過哈布斯堡三百幾年既壟斷維特爾斯巴哈家族相隔四百年產生第二個神聖羅馬帝國皇帝
就連匈牙利同波希米亞都宣佈承認卡爾七世為自己國王
只有瑪麗亞·特蕾西亞弗朗茨·斯蒂芬兩夫婦啞口無言冷落係一角
1713年國事詔書既承諾呢...?

全部選侯背叛晒佢地
只有一個願意過黎安慰佢地勃蘭登堡選侯腓特烈二世
我地都係岩岩死老豆投票既結果真係非常可惜
而家好明顯你係神聖羅馬帝國入已經得唔到任何支持就算英法兩國既取態都好令人懷疑
我擔心你而家既情況可能連奧地利個位都保唔住你會唔會想要少少神聖羅馬帝國諸侯支持呢?
如果願意交西里西亞出黎...話唔定我幫到你呢...?

死基佬......!!

黃線範圍係西里西亞

1740年尾普魯士出兵奧地利既西里西亞公國
法國瑞典波蘭西班牙薩克森巴伐利亞撒丁尼亞那不勒斯跟隨宣戰
奧地利摷到落櫃筒底搵到僅有既盟友只有俄羅斯大不列顛同佢王室老巢漢諾威同佢傳統盟友荷蘭

反哈布斯堡軍早有準備係瑪麗亞·特蕾西亞作出反應前佢地已經兵臨城下
其中由腓特烈二世親率八萬普魯士軍已經攻入西里西亞首府布雷斯勞
下一個目標係奧地利係西里西亞最後一個要塞尼斯堡

參戰陣營:綠色係反哈布斯堡藍色係親哈布斯堡

腓特烈二世準備長期圍困呢坐城所以冇可能要呢八萬人剩係咬係普魯士帶黎既糧
就咁佢就發散晒D人周圍去搵飯食啦

1741年4月10日二萬奧軍突然出現係莫爾維茨村痴緊餐既腓特烈二世眼前
腓特烈二世臨急臨忙只係召集到二萬人迎敵
然後連敵人位置都未確認就排起戰陣
普軍右翼成為奧軍獵物

下晝一點奧軍係普軍右翼出現
奧軍左翼騎兵突襲普軍右翼普軍右翼潰散腓特烈二世親身帶兵救援
奧軍又趁指揮空洞再攻普軍左翼普軍左翼崩潰
敗局已定無力回天
29歲初上戰場既腓特烈二世終於感受到戰爭既滋味
腓特烈二世難抵戰場既責任同壓力除低裝甲騎落戰馬將指揮交比隨行既老將施維林
自己一個行返後方大營等待戰敗一刻來臨

老豆...係我錯...我明白啦...

一個鐘...兩個鐘...等左好耐奧軍都未殺到入黎
腓特烈二世忍唔住行出去睇下
估唔到係老將施維林既指揮下帶領住佢老豆精心訓練既斯巴達人
係劣勢中擊退奧軍一波波攻勢最後仲扭轉埋戰況
普魯士贏左啦
二萬人對二萬人四千死對四千死
老豆我明啦
卡爾六世既遺產只係個國家而你既遺產係軍隊
國家係保唔住國家既但軍隊可以打國家
我地贏硬啦
哈布斯堡再強大都抵擋唔住我地普魯士
THIS IS SPARTA!!

莫爾維茨會戰

莫爾維茨會戰中普軍突擊

https://youtube.com/watch?v=QBj9TfqOpxE

返返去瑪麗亞·特蕾西亞
小小既奧地利比全歐洲既敵人所包圍僅有既盟友係遠在天邊既英俄
好彩奧地利背脊有亞爾卑斯既天險可以頂一陣
咁我可以選擇既目標只有一個
巴伐利亞同佢所謂既神聖羅馬帝國皇帝卡爾七世
只要我塞鑊佢匈牙利同波希米亞都會乖乖返黎既

瑪麗亞·特蕾西亞派佢老公個細佬卡爾·亞歷山大帶三萬人出兵巴伐利亞
為解救巴伐利亞腓特烈二世帶二萬人直衝奧地利
收到普軍接近既消息卡爾·亞歷山大調頭伏擊

卡爾·亞歷山大

1742年5月17日半夜普軍去到查圖西茨村就地休整
係凌晨5點根據偵查大概有7,8千奧軍從南面接近
腓特烈二世即刻下令全軍出村向南列陣
點知陣形排好啦但等左成個鐘人影都冇隻
又咩事?

朝早7點普軍背後突然軍樂大作
原來係偵察出錯
唔只係錯估位置連預計既7,8千先鋒都變成三萬主力
背脊迎敵真係死路一條腓特烈二世下令兩翼騎兵調頭進攻奧軍
幫我為步兵重整陣形爭取時間你地同我死都死掂佢!!
普軍騎兵直插奧軍兩翼
右翼騎兵成功將奧軍左翼撞散結果引黎奧軍全力既反擊
左翼騎兵好彩D 因為奧軍將注意力放晒係左翼令佢地成攻迂迴到奧軍後方

係佢地後面腓特烈二世開始重新設計過步兵既佈陣
佢將步兵分兩批一批擺係查圖西茨村入面另一批由腓特烈二世帶領匿係西面一坐小山後面
兩批步兵中間擺一隊僅餘既騎兵做接應
朝早9點當奧軍終於拍死兩批烏蠅一樣纏繞佢地既騎兵之後向眼前查圖西茨村中既普軍發動總攻擊
經過分割再分割係查圖西茨村入面勢弧力弱既普軍即使靠村莊既掩護都難抵奧軍既火力
普軍遂步有序撤出查圖西茨村再係村外重新組織條新戰線
卡爾·亞歷山大見普軍撤出查圖西茨村下令全軍入城
只要固守查圖西茨村再加自己數量既優勢必令普軍知難而退!!

ON9仔

卡爾·亞歷山大既行動完全中正腓特烈二世既算盤
當奧地利三萬大軍逼入查圖西茨村係佢地右邊突然響起普軍既軍樂

腓特烈二世帶領既伏兵遍佈山上居高臨下掃射查圖西茨村入面密密麻麻既奧軍
打靶一樣既奧軍士氣潰散紛紛逃出查圖西茨村
最後仲有一個腓特烈二世意料之外既小驚喜
迂迴到奧軍後方既左翼騎兵及時殺到可憐既奧地利軍連最後既退路都冇埋
查圖西茨會戰普軍死五千奧軍七千死萬二降

仗之嘛我都識打啦!!
普魯士國王腓特烈二世打到佢人生第一場勝仗

查圖西茨會戰黑色係奧軍白色係普軍

查圖西茨會戰之後瑪麗亞·特蕾西亞都賣佢怕啦
1742年7月28日奧地利同普魯士簽訂1742年柏林條約
奧地利割讓西利西亞予普魯士普魯士退出戰爭

失去左普魯士哈布斯堡勢力全面反攻
1743年6月27日英王佐治二世親率三萬五人係德廷根擊敗二萬六法軍
薩克森倒向哈布斯堡波希米亞承認瑪麗亞·特蕾西亞為女王
瑪麗亞·特蕾西亞再以放寬匈牙利自治換取匈牙利出兵
到1744年中親哈布斯堡軍已經打到去法國門口勝利在望

呢鋪又到腓特烈二世淆底啦
如果真係比佢打贏左既佢仲唔搵我開刀!?
簽約兩年腓特烈二世就撕毀柏林條約再次出兵奧地利從西里西亞出發直衝波希米亞首都布拉格
9月16日攻陷布拉格後轉向奧地利首都維也納
後欄失火既瑪麗亞·特蕾西亞又派佢叔仔卡爾·亞歷山大去退敵

又我!?唔好啦呱

今次卡爾·亞歷山大謹慎得多佢唔直接進攻腓特烈二世本隊
而係收復返係波希米亞比普軍攻佔既要塞從而截斷普軍從西里西亞黎既補給
到10月腓特烈二世帶住飢寒交迫既普軍從敵人既大後方經易北河游返返去西里西亞
卡爾·亞歷山大既謹慎到此為止

1月20日維特爾斯巴哈家族既神聖羅馬帝國皇帝卡爾七世病逝
佢個仔馬克西米連三世·約瑟夫繼承巴伐利亞選侯
4月15日奧地利係法芬豪芬戰役擊敗巴伐利亞後奧地利同巴伐利亞簽訂福森和約
馬克西米連三世·約瑟夫放棄神聖羅馬帝國皇位要求承認1713年國事詔書
得到維特爾斯巴哈家族既巴伐利亞普法爾茨科隆主教區再加上薩克森漢諾威
瑪麗亞·特蕾西亞既老公弗朗茨·斯蒂芬終於得到足夠既票數9月13日加冕為神聖羅馬帝國皇帝弗朗茨一世
佢地兩公婆將自己姓氏合併成哈布斯堡-洛林神聖羅馬帝國哈布斯堡-洛林朝開始

1745年當冬天一過再無後顧之憂既皇帝細佬卡爾·亞歷山大就帶埋薩克森盟軍共六萬人反攻西里西亞
卡爾·亞歷山大進入西里西亞沿途冇遇到任何抵抗進展順利一直向布雷斯勞進發
6月3日夜晚奧地利薩克森軍到達霍亨腓特堡村紮營休息
佢地唔知道係黑夜中已經有六萬普魯士軍包圍係附近...

霍亨腓特堡會戰

除左1989年6月4日大家仲可以記多一個年份
1745年6月4日凌晨4點天光前既最後一刻
奧薩聯軍營地突然響起四面普歌奧薩聯軍士兵係睡夢中驚醒慌忙佈陣
係左翼普魯士軍既驃騎兵已經衝到去佢地面前將奧薩列隊沖成一片混亂
係騎兵之後就係普魯士引以自豪既步兵
佢地以鐵一般既紀律忍受住奧薩聯軍既火力直至去到足以將火槍發揮最大火力既距離
然後一輪齊射大半奧薩聯軍應聲倒地
奧薩聯軍個個慌忙逃生普魯士軍發動最後一擊
普魯士軍右翼拜羅伊特帶領既第五龍騎兵橫掃戰場
廿分鐘內就俘虜2,500人67枝軍旗9碌大炮

霍亨腓特堡會戰中前進既普魯士擲彈兵

朝早9點岩岩天光戰爭已經結束
六萬對六萬普軍死二千奧薩聯軍死八千降七千
經過呢場仗腓特烈二世好似諗到少少野...

https://youtube.com/watch?v=5f2M9t_tEhQ

霍亨腓特堡會戰勝利後腓特烈二世帶二萬二再次出兵波希米亞
瑪麗亞·特蕾西亞又再派佢叔仔卡爾·亞歷山大迎戰

又係我!?又係腓特烈!?我輸緊架!!
隻抽你輸硬姐比你兩倍兵得啦呱

卡爾·亞歷山大雖然廢但唔係弱智既
吸收霍亨腓特堡既經驗佢決定照版煮碗做一次

1745年9月29日普魯士軍係索爾山下紮營過夜
卡爾·亞歷山大帶住四萬奧地利匿埋係山既另一面
30日凌晨5點腓特烈二世被偵查兵嘈醒發現奧地利軍已經將普軍包圍並開始前進

當奧地利軍真係行到普魯士軍面前
卡爾·亞歷山大驚訝普魯士軍之整齊同當日既自己完全天壤之別呢場唔似伏擊戰反而似場會戰

腓特烈二世已經準備好新料招呼卡爾·亞歷山大
腓特烈二世綜合呢百幾年戰列兵既經驗得出結論
戰列兵核心不過小心側翼睇實背脊中央突破三點
以往為發揮火槍最大威力都會將步兵平排故此人多一方就可以包圍對方側翼
如果人數相約則以紀律決勝邊個最能忍受炮火快速上彈整齊射擊
但如果紀律都相約呢?呢種戰爭仲有冇以陣法取勝既可能呢?

腓特烈二世今次既計畫係咁
先以右翼發動進攻咬實對方既左翼然後自己既左翼後退令兩軍呈T字形再從敵人既左翼開始摧毀全軍
呢種打法叫斜線戰術!!

朝早8點普軍右翼發動進攻奧軍左翼潰敗奧軍重心被吸向左邊
腓特烈二世都未及下令本應後退既左翼已經衝上去夾擊奧軍既右翼
腓特烈二世精心設計既斜線戰術變成包圍戰術
普魯士軍以少數包圍多數普軍死四千奧軍死八千
呢場係紀律既勝利
THIS IS SPARTA

索爾戰役

呢鋪瑪麗亞·特蕾西亞終於認識到腓特烈二世係不可戰勝既對象
要係佢手上收返西里西亞係冇可能架啦但至少要打場好好睇睇既仗逼佢上談判桌
1745年12月24日三萬一奧地利薩克森聯軍從薩克森出發直擊勃蘭登堡
但係凱撒斯多夫會戰被二萬五普魯士軍擊敗

我唔只輸比腓特烈二世我仲係輸比佢地既軍隊...
呢班真係斯巴達人黎架...

第二日1745年12月25日瑪麗亞·特蕾西亞萬念區灰只慶幸跌落地仲有札沙
係俄羅斯威脅下普魯士同奧地利簽訂德雷斯頓和約
普魯士承認1713年國事詔書同弗朗茨·斯蒂芬為神聖羅馬帝國皇帝
奧地利承認普魯士係西里西亞既主權
由薩克森賠償普魯士軍費

1748年10月18日反哈布斯堡各國同奧地利簽訂第二亞琛和約
英國歸還法屬北美路易斯堡以及附近新斯科舍比法國
法屬印度既馬德拉斯割讓英國
法國將荷蘭部分邊境城鎮割讓荷蘭
承認神聖羅馬帝國皇帝弗朗茨一世皇后瑪麗亞·特蕾西亞及佢地後裔對哈布斯堡家族領地繼承權
帕爾馬皮亞琴察瓜斯塔拉割讓西班牙王子唐·菲利浦
恢復摩德納公國熱那亞共和國獨立
重申烏得勒支和約中英國奴隸貿易優先權同向西屬殖民地運送奴隸既義務
普魯士獲得西里西亞公國同格拉茨伯國