8.
「嗶。」自檢查器發出的鳴叫，將組員一眾人等的注意力都吸引了過來。卞海生的生死，就會在這一刻揭曉。

「係綠色，即係你冇事啦卞海生！」阿寶開心得把卞海生抱了起來，強壯的他要把卞海生抱起，根本就不用費吹灰之力。眾人見狀，高興得相互擊掌。而阿Jane在得知結果後，都呼了一口氣，把曲尺放回腰間。

但就在眾人不住歡呼的時候，巡警卻凝望著被阿寶抱住的卞海生，喃喃自語著：「唔......綠燈，又有傷口，即係話佢有抗體啦。」然後便轉身走向「黑車」上的電腦，開始鍵入資料。完成一切後，巡警便將磁碟取出，放在衣袋裡。

「抗體，嘻。」

====================================================

天空泛出魚肚白。

處理好一切要進入運動場的手續後，巡警便拿了一些食物給卞海生。卞海生整晚都沒有進食，肚子已經餓得不行，雖然運動場裡的應急食物味道不怎麼好，但是對於飢餓的他來說，任何食物都是美食。接過巡警手上的食物後，便大啖大啖的吃了起來。

「卞海生呀，其實係我地黎到之前，你發生左啲咩事？」巡警問。

「嘩講起上黎真係一匹布都冇咁長呀。」卞海生頓了一頓，把口中的殘渣吞下後，再將自與阿怡在海傍分散後開始發生的事情一一道出。

「哦......原來係咁。」巡警把卞海生被喪屍咬過的情報確認，又看了看場內顯示著的時間，再說：「好啦你休息下先啦，我去叫你女朋友過黎。」

「唔唔。」卞海生點頭。

自天空散發出的光線將立在運動場上的帳蓬表露無遺，住在每個帳蓬裡的每個人都有他們自己的故事，放在一起，密麻麻的，活像一個小城。在小城裡走多一會，巡警便找到阿怡所在的帳蓬，逕步入內，阿怡就正正躺在右邊的帆布床上。

「我男朋友番左黎未？」

「番左。不過我有緊要野搵你。」

「咩事？」

巡警望望四周，說：「呢到講野唔方便，我地去審訊室。」阿怡還未反應得及，便被巡警半推半就的拉了起身，向著審訊室走去。

「咔嚓。」門被打開後，映進阿怡眼廉的，除了之前的桌子跟摺椅外，還多了一個人。

「佢係......？」阿怡問巡警。

但不等巡警有機會作答，此人便道：「我叫阿寶。」

巡警待他說完後，示意阿怡坐下，則再補充：「佢係我地特別處理組既組員。我叫佢黎，係因為你男朋友既。」

「我男朋友做咩？我幾時可以見到佢？」阿怡開始擔心起來。

「佢既身體帶有抗體，即係話佢就算俾喪屍咬到，佢都唔會有事。」巡警續道:「不過政府好快會知道，佢地為左拎啲抗體，乜都會做得出。我帶阿寶黎，就係想將你男朋友救番出去。」

「冇錯，你男朋友話哂都救過我一命，我都唔想佢俾政府果班仆街就咁帶走。」阿寶附和巡警。

「救過你一命？」

「果啲一陣先再講啦，阿頭你快啲同佢講下點走仲好啦。」

巡警點頭和應，說：「一陣間阿寶會接你男朋友上一架新既黑車，之後我地會去屯門。我屋企就係響屯門，去補給左之後，再從長計議。啲喪屍極有可能已經進入左尖沙咀既範圍，同埋呢到都唔會頂得到幾耐，最好既方法係一路走一路避。老實講，你冇得揀。」

「咁我點解要信你？」

「因為憑我對喪屍既研究同認識。」

===================================================

「咩大鑊呀阿峰？」

「香港而家已經進入左緊急狀態，即係話岩岩出面果啲喪屍，而家好可能已經周圍都有......」阿峰倒抽一口涼氣，額上豆大的汗珠，清晰可見。

「仆街啦......咁......我地點算呀？」阿然的身驅不住發顫，又說：「屌，仲有我地啲屋企人呢......」

「而家自己都未必顧得掂啦，仲講屋企人。」

忽然鐵閘傳來一陣震耳欲聾的聲音，伴隨著的是喪屍群的咆哮聲，這些聲音，就像一個大錘，正在將一顆又一顆的恐懼釘子釘在店內眾人的心中，「七仔」內的所的所有人都充份感受那一份壓迫感。

店內鴉雀無聲。

阿峰突然打破沉默：「驚都冇用架啦，諗下點走仲好啦。」說罷阿峰便走向熟食部，把櫃台後的剪刀握在手中。

「鉸剪，膠紙，哈哈好在仲有一支地拖。」

將全部的材料都準備好後，阿峰便把剛剛收集的材料組合起來，做出了一支矛來。完成組裝之後，阿峰又著阿然找來一些紙皮，以及打火機，酒精，棉花，和一打啤酒。

「你地快縭啲紙皮上身啦，用黎保護你地架。」阿峰邊說邊把啤酒倒在地上，示意阿然和「潮童」店員幫忙：「你地快啲幫我倒走啲啤酒啦，望，整燃燒彈呀我地。」

「唔唔。」

十多分鐘後，燃燒彈和防具都已通通製成。不過阿峰深知現在還不是一個好的時機，要離開「七仔」，必定需要充足的休息。

「我地而家休息下先，食夠野，聽日就走。」
====================================
紙言link: http://www.shikoto.com/article/10393/《喪屍禁區》.html

喂
抗體唔係會照show infected但個人冇事㗎咩好似係

作完未

晏啲打文

晏啲打文

晏啲打文

9.
「快啲上車啦！」巡警揚揚手，著卞海生等人上車，又把口袋中的Android手機拿出，打算取得疫區散播的資料。

但是車上的三人心裡頓覺難受，始終基於巡警對喪屍的認識，天水圍避難所極有可能在數小時內喪屍群襲擊，卻又明白到要在這麼短的時間內進行大規模的疏散，根本不是一個可行的方案。

「踏。」巡警舉步踏入車廂，走入駕駛座，將黑車發動。

「做咩咁靜呀？阿寶你唔係同阿生好多野講既咩？」巡警不解。

「阿頭，我地見到咁多人都走唔到，你估我地會開心咩？」阿寶說完後便看著地板，臉如死灰。

卞海生聞言後說：「冇錯，你點解淨係要救我地？佢地點算？」

巡警雙手拍拍軚盤，道：「有陣時有啲野我係身不由己，要生存，就必定要有人犧牲。」他又補充：「至於點解要救你，係因為你既抗體。」

車內的氣氛忽變沉重。

「即係話你救我地，由始至終，都係一場交易？」阿怡問。

巡警別過身子，亦不打算再作隱瞞：「係。但係你地跟住我同阿寶，至少唔使俾政府做研究。」

雖然阿怡跟阿笙現已明白巡警所謂的「好意」，但是與巡警一同行動，卻遠比留在天水圍安全，還有可以避過政府的追查。所以與巡警拍擋，是唯一的方法。

「隆」黑車的輪胎驀地猛烈轉動，揚起一絲沙塵，便往屯門駛去。

***********

黑車又再次走在元朗公路上。

在六線雙向行車的公路上，就只有黑車是向著屯門方向駛去。右邊往天水圍方向的行車道，竟然被車群擠得水洩不通，喇叭聲此起彼落。

「喂！」卞海生拍拍巡警的肩膀，道：「佢地肯定係想去天水圍，你快啲叫佢地掉番轉頭啦！天水圍唔會頂到好耐架咋！」

「Sorry，我唔會咁做。我地一定要盡快趕到屯門，時間唔會等人。你諗下，如果我地而家停低，一陣間啲喪屍黎到，我地就一鑊熟。」

阿怡及阿寶都不發一言，便將阿生拉後，著他不要再打擾巡警。

巡警的確有道理，要是巡警將黑車停在一旁，絕對會拖慢四人逃走的進度。

忽爾黑車外傳來一陣震動，將眾人的注意力都集中在其中。

「你地......feel唔feel到呀？」阿怡首先發問。

阿生心中一慌，說：「地震？冇理由掛......」

「咦？」阿寶望出車外，看見一隻又一隻的2A級喪屍邊爬邊跳的，由公路的四方向著左行車線衝去，馬上大叫：「仆街！阿頭快啲『dum』油呀！」

但不用阿寶提示，巡警早已心知不妙，立時踏盡油門，想要逃離現場。

「坐隱啦！」

「唔」黑車加速，機件高速運轉的聲音自引擎傳來。黑車雖已經過改造，引擎比一般警車更先進，但速度與行動迅速的2A級喪屍群卻不會相差大遠。不消半刻，三數隻雙目血紅，膚色慘白的喪屍已經趕上了黑車的車尾。與黑車距離最近的一隻喪屍，離車門只有不足半米。

「呀！啪！」最近的那隻喪屍向著車尾窗張開血盤大口，又舉起雙手，猛拍著車門。

「嘩頂！咁鳩快既？」阿寶咒罵一輪後，便將安放在車廂內的武器櫃打開，取出一柄M4A1卡賓槍，向著喪屍群咆哮：「吔屎啦仆街！」

阿寶說罷便踢開車門，舉槍指向喪屍群，扣下扳機。

「砰......」一連串的槍聲響至，首當其衝的2A級率先被「爆頭」，應聲倒下。阿生見狀，便跑至武器櫃，取出另一柄M4A1，然後走在阿寶身旁，一起掃射車外的喪屍。

在槍火陣的威脅下，緊貼著黑車車尾的喪屍逐漸散開。

「呼。」巡警放鬆了一些，又著阿寶快把車尾門關上，免得招來另一波的喪屍。

黑車仍舊在元朗公路上疾走著。

此時阿怡問：「你地睇下右邊......」

右邊的行車線上，一片狼籍。車群裡的人有的在被喪屍嘶咬著，也有人棄車逃跑，慘叫聲的大小跟喪屍的數量剛好成正比，與煉獄裡的慘況不惶多讓。

阿怡、阿生，以及阿寶等人都看得毛管直豎。唯獨巡警一人，顯得異常冷靜。

「你地見到啦，要生存，就必定要有人犧牲。」

三人倒抽一口涼氣。
=========================
紙言link:
[url] http://www.shikoto.com/article/10393/《喪屍禁區》.html[/url]

嘩好耐都無寫啦
因為真係好忙
多謝大家嘅支持

文呢

嘩好耐都無寫啦
因為真係好忙
多謝大家嘅支持

larrylo巴打

預weekend出啦各位

其實有冇人睇？