股票既投資價值係股息，第2位先係升幅，股息利搭利先係投資基本

睇書了解下 "$" 係咩黎先

多吹水是好開始，聽多點便知道多點.

股票既投資價值係股息，第2位先係升幅，股息利搭利先係投資基本

如果只看股息, 不看升幅
先要留意股息能否跟得上通脹
同埋最最重要係入貨價, 入貨價要平

其實買rolex都係一項幾好既投資, 每年升幾個巴先
停產又再升一升, 有需要時又可以戴出黎威威

《喜愛夜蒲的「美女」》

和一位「美女」(自稱) 討論到有關股票派息的問題，無意中得到了一個很有趣的比喻。 可能有點粗疏，但多謝她的啟發，怕忘了，即管一記。

好唔好買兩手匯豐收下息呢?
如果已經持有, 蟹左，佢歐洲果邊又好似唔係好掂, 應否沽出呢?
定係反正都蟹左, 合埋眼當收下息啦?

大概問題如上。

我說: 「如果係我。我不會純因為息而買一隻股票。當然可以係其中一樣考慮因素。但如果純因為貪息而買的話，就可能好易唔小心中伏了。」

比喻如下:
「就好似你出去蒲咁，你去一個場。無非最想都係D仔既質素好者，例如又靚仔又有錢之類。識番幾件，又玩得高興就最好了。

點知你因為另外一個場有Free Drink 同果盤送 (收下息)，而忽略左個場既質素，去左嗰個場。
一入去到先知中伏，全部八兩金咁款，仲要係無錢果種。(公司好唔掂)
當堂無癮，但一走就即刻蝕, 成幾舊水入場費無左。(已經蟹左)
但唔走你又蝕成晚時間無得去第二個場，即使比你係咁食果盤同飲Free Drink(反正都蟹左, 合埋眼當收下息)。
食幾晚都補唔番你既損失，何況而家送果D Free Drink同果盤比起入場費係微不足道。(匯豐3-4%的股息)」

「美女」很醒目，哈哈笑完一輪後，續舉例了下文

「咁如果我去果個場又無Free Drink又無果盤，但都係全部八兩金咁款。咁咪仲唔抵!? 仲分分鐘要自己掏荷包搭的士返屋企添!」

「這個情況當然是悲過韓劇的悲劇。也證明了無息派的股，不一定就是好股。但如果純因為貪息而去的話，就更容易令自己因為忽略了基本因素，而買入壞股了。

有Free Drink有果盤送固然好，但絕不能本未倒置。因為實在見盡很多無不是這樣出事的。

一隻股票(一個場)，最重要的是要升! (最緊要係D仔型!), 而不是幾%的息(而不是送的果盤)。
就好似一百五十幾銀買左匯豐既人咁，你要收幾多年息先補得番條數呢?
(D仔唔掂，你要隊幾多碟生果先補償得番果晚既損失呢?)
如果反正都蟹左, 合埋眼當以後都收下息算數，就更不智了。
(反正D仔都唔掂，唔睇喇，係咁飲啦)
因為你會損失左機會成本，而且果D息有排收都收唔番本。
(成晚都去唔到第二個好場識D好D既仔，仲要對住班友成晚眼冤, 有排食果盤都補唔番)

比著我會情願壯士斷臂，止蝕離場。好過舒服D合埋眼。
因為投資市場衰左就係衰左，你面前的八兩金即使你合埋眼，他仍然是八兩金。
但你張開眼面對，佢行過黎既話起碼你會知大獲，走得切。」

之後我再補充了一句後話:

「但如果你真係撞正咁唔好彩，仲要自己掏荷包搭的士返屋企。又唔使咁灰，可以打比我既。」

「E? 哈哈...我都覺得你起碼都會Call 架8折的送我返去既。」

「我會哈哈大笑一輪之後收線，等你自己繼續截的士。起碼無咁悶。」

睇書了解下 "$" 係咩黎先

有無好介紹？

睇書了解下 "$" 係咩黎先

有無好介紹？

本菜鳥係上網睇，慢慢累積返黎
無邊本書可以介紹比你

隔離 post 都有講
https://hkgalden.com/view/9378

上網 search 下，資料應該多到你睇唔晒

第一步睇你咩心態

短炒定長渣?

等QE3過左先..

第一步睇你咩心態

短炒定長渣?

呢個真係好問題.....
我有個朋友，佢堅持「短炒」，永遠唔做「長期投資」。
但佢係「長期短炒」，即係近乎每日都參與「短炒」，如是者起碼都有七、八年。
攪攪下，我都已經開始分唔清佢係長渣定短炒....