1) 同人去書展朋友無端端講龍虎豹，我懶醒咁問係咪好似龍虎門嗰D漫畫咁...
2) 坐人車，我落車買少少嘢，朋友車上等我，買完無為意，見到係黑色7人車就上，點知上錯車，個司機o咗咀，我都嚇咗嚇，講咗SORRY沖落車，我朋友架車停咗喺後面，佢目擊全程，笑到停唔到...
3) 攞住張券幫屋企人換臘腸，喺地鐵見到榮華檔攤遞張券俾人，對方話小姐，你呢張券要去返美心先換到
4) 喺鐵路見到個同朋友身影一樣嘅人，當時我同朋友一齊，所以無打招呼。我落車就拍佢一下，話我落車啦，你仲唔落嘅，點知原來係唔識嘅，我扮無事發生直接落車，唔敢再望佢一眼
5) 去攞眼鏡遞錯咗張BODY CHECK嘅RECEIPT俾人，佢仲要話呢度驗眼唔驗身，最後我都搵唔到眼鏡嘅RECEIPT，俾日子同電話NO.佢幫我搵