琴晚發咗個夢，刺激得嚟又奇怪。

首先，夢裏面嘅我係一家三口，
老豆？（夢中係Will Smith ），
老母（同現實一樣樣），
我。
我地食緊野，然後無啦啦比人追殺，
佢地啲衫好似係Swat team個隻，
戴哂頭盔，渣住把好型嘅槍，
佢地個個企哂係門口出面等我地自首。

轉眼間，我地三個行緊上樓梯，諗住上天台避。我雙手插袋，左手渣住把手槍，手指已經準備好。上到天台，我地好似身處北極咁，除咗雪，有幾個荒廢嘅盒狀建築物。（即係打機個陣比你用嚟匿埋當子彈個啲）
突然，前面有幾陣槍聲，轉個頭，係後面嘅老母已經昏迷咗。我同Will Smith衝出去食子彈喇，然後唔知點解我手上嘅槍變咗一把劍。我地發現敵人太多，Will Smith舉手投降，我都跟住做。
之後好似有救兵，其實我呢Part唔係好記得，總之個啲敵人就死哂。突然間靜哂。
我望返後面，老母唔見咗。

我靜靜地咁行去旁邊嘅沙灘()，啲沙上面有天空嘅倒影。海上面，見到個女人渣住浪板企咗係度，我以為係老母，點知突然又消失咗，淨返啲浪係度拍打着...

我地係架船上面，除咗我同Will Smith，仲有一個唔識嘅女人。我地望出去，見到一個個家庭係到飲茶。

之後就醒咗，可能有啲部分比較甩甩Cut Cut，因為啲細節太難記得喇，有無解夢師係度呀？