喺開波之前，先附上紅VAN打包先。(我都係GOOGLE搵既)
http://docs.google.com/document/d/1sakbP87NfgwgXAZoDcJ0Y2VmlQCJns41ALsS2b67G2s/edit?pli=1

支持既就負皮啦


另外衣到有之前作既故既LINK：

我用左個山寨變身器之後就一直變身,有無人可以幫下我?
http://www.shikoto.com/i/dvm

--------------------------------------------------------------------------------------------------------------------------------------------------

是咁的，小弟今日放左工就去元朗同班舊同學食雞煲聚舊，一邊吹水，一邊淥野。
雖然啲野食唔係話好好食，但係當中果一份友情，先至係成程雞煲既重點。
最後，仲去埋B仔涼粉到食糖水。
不過咁樣搞法，終於食到成點幾。

之但係佢地果果都住屯門，天水圍，得我一個搬左出去旺角，所以我唯有自己一個孤拎拎咁走去搵通頂紅VAN搭。
或者好多人都以為元朗會有好多牛四圍走，但係事實上同其他地方一樣都係得樓，馬路同車。
不過因為都成一點幾，咩車咩樓都無晒，係簡唔中有幾個人同我刷身而過。
我自己一路走，一路諗番今日發生過既事：起身，番工再同舊同學食雞煲。
雖然好平淡，但係我好開心，如果以後都係咁就好啦……

走下走下，我終於行到去個小巴總站，一大串紅VAN泊晒喺一個公園周邊，排緊隊上客。
我睇睇個掛左喺欄柵上面既綠色牌，上面寫住往旺角。
我就一腳踏上架車入面，正正坐喺司機位後面。
我再望下架車入面，人都唔多隻。
當我正想望出窗外面先發現原來塊玻璃窗上面貼住左張大大既海報，上面寫住：<<那夜凌晨，我坐上了旺角開往大埔的紅van>>


哈！咁應景？不過話時話我都好似未睇紅VAN個故！


於是，我拎番部手機出嚟，上網搵個打包DOWN。
點知我先醒起部電話用緊人仔既無限上網廢PLAN，所以真係慢到嘔，唯有上住高登追POST先。
當我睇完頭兩篇果陣，架車就坐剩我則邊個位。
司機就等得燥得濟，想開車啦，但係衣個時候有個樣貌端好既女仔坐左去我隔離。


咁有緣！會唔會我同佢發生咩關係架？


我開始進入左個人既FF MODE，不過毒JJ既幻想好快比司機一句：「屌你老母！阻住晒！」打斷左。
我望望車頭，應該係有架車突然CUT線爬頭又唔打燈，所以嚇到司機大佬要動用人地老媽子啦。
於是乎，我又開始沉醉番入紅VAN既世界……