話說剛剛踢街場我入咗人生嘅第一球烏龍球,
佢地乘機就屈我一餐,話要食飯慶祝賀一賀!
咁A呢想打邊爐,B就想食韓燒,C呢就話BBQ喎,
就係咁,最關鍵嘅一票呢啫係喺我到啦,
而我就無乜所謂嘅,但既然係要我埋單嘅話,
咁就打邊爐囉,最平呀嘛!


就係咁,我地高高興興打邊爐,
一坐低呀,就嗌咗個蕃茄湯底,肥牛呀,丸呀,腸呀,一啲基本野,
無耐煲湯嚟到喇,淨係得半煲湯,我心諗煲野一滾就要加水喇喎,
就係咁我第一次打邊爐個湯底都未滾呀,就經已叫要人加水,
但係叫極都無人應,


果然,個湯底一滾,就經已差唔多見底喇,
咁我又叫個人同我地加加水啦吓,但又肚仔餓喎,
見仲有少少水,咪肥牛淺水游囉,
食呀食,就經已食緊第二輪,但水都未有人同我地加,
咁我叫個經理埋嚟,同佢講:「喂!加水呀!我地就連自己杯水呀,
壺普洱呀都倒埋落去煲野到,都未有人嚟同我地加水呀!吓! 」
而個經理呢,就只係哦咗一聲,


到咗第三輪,
煲野真係一滴水都無喇,依然未有人嚟同我地加水,
班閪人又咁好服務,叫佢地都無謂啦,
但見枱上亦有多碟肥牛,我就靈機一觸, 同B講:「喂,你唔係想食韓燒咩?」
之後我張一片片肥牛,放落一個無晒水嘅爐到慢慢煎,
開始食我地嘅變咗韓燒,


好喇,第四輪,
C就話喇:「點搞呀,加下啲野一放落去,JAR一聲就濃晒喎,
仲有啲丸呀,腸呀未食啵,嗱嗱嗱,話口未完個爐仲燒着埋添呀!
不如叫人加水啦!」我望一望個爐, 冷笑一聲,
跟手我拎起隻筷子係咁拮拮拮拮拮,拮住啲丸呀腸呀咁,
指住呀C個鼻就話喇:「之前又話想BBQ?叫人加水,
分分鐘埋單走人都未同你加呀!」


到食飽飽走人嗰陣,我回頭一望,見連張枱都燒埋,
就有啲感慨 :「唉,邊爐打咗,韓又燒過,Q又BB埋,乜加水真係咁難咩?」
呢個時候,個經理仲好意思行埋嚟問我地知唔知發生咩事,
我大大聲咁同佢講:「哦!」