平心而論，苟姑娘同Kumamon，真係…

苟芸慧同松岡李那噚日到荃灣出席一田百貨開業活動，兩人喺台上跟熊公仔Kumamon跳舞。發福嘅苟芸慧自嘲企喺熊公仔身邊會顯得瘦好多，不過跳舞嗰陣就表現拘謹，姐手姐腳兼不夠投入，反而身形纖瘦嘅松岡李那以tube上陣，又跳得投入，搶盡風頭。

苟芸慧事後死撐俾熊公仔連累，不過最緊要大家睇得開心。佢話自己唔係冇跳舞天份，只係怕俾熊公仔大動作整親，所以要同佢保持距離。至於是否向緋聞男友兼跳舞天王郭富城請教跳舞，苟芸慧話：「佢邊得閒，跳舞可以keep fit，自己都想學。上次睇城城演唱會，佢跳舞好突出，係佢成功之處，佢好有天份，佢咁叻，冇得比。」


苟姑娘的舞姿


一個字﹕Hea


嘩…


苟姑娘話佢企喺Kumamon身邊，會顯得自己瘦啲喎。