看圖識字

無綫呢排兩套劇集《熟男有惑》同《好心作怪》收視都算唔錯，不過就猛俾人話有抄襲之嫌，所以黃子華返嚟幫無綫拍嘅新劇《My盛Lady》真係好令人期待。

日前子華同陳敏之、徐子珊去咗上環港外線碼頭拍攝一場強吻戲，劇情講子華想敏之認清楚佢鍾意嘅係邊個，惟有夾硬咀敏之令佢討厭自己。子華強吻前做足功夫，佢講笑話：「每次咀人前，會食定香口膠，做呢行都有風險0架！」但現場又唔見子華同敏之夾吓點走位，子華好自信咁話：「好浪漫先要0架嘛，呢場唔使。」

子華一埋位，就嚟真一樣強吻敏之，敏之就七情上面喊晒口，繼而出力推開子華，受辱表情好迫真。事後敏之話：「拍咁耐戲又儲咗啲人生經驗，拍呢類咁激嘅戲唔可以NG太多次，如果唔係會唔自然。」人生經驗定實戰經驗呢？


視線點可以離開敏之美腿？


醒呀敏之，醒呀﹗


好狼死﹗


睇吓子華個冧樣﹗高潮眼呀﹗