喺開波之前先post番之前完到既文：

我用左個山寨變身器之後就一直變身,有無人可以幫下我?
[URL]http://www.shikoto.com/i/dvm[/URL]

那夜凌晨,我們一起搭上的那紅VAN……
[URL]http://www.shikoto.com/i/dQW [/URL]

---------------------------------------------------------------------------------------------------------------------------------------------------------------

引言：
如果話密室係想將一班人整死既話，咁我實左諗唔透世界上有邊個密室主人會發明左個咁矛盾既密室--食物密室。
佢可以係前一秒將你放入一個會將你置於死地既密室，下一秒就將你送去一個滿載美食既餐廳。

我實左諗唔透……

---------------------------------------------------------------------------------------------------------------------------------------------------------------

我叫陳日新，但係身邊好多人都叫我做728。

點解？

因為我既編號係728。

嗯……係青山醫院既病人編號728。

我每日就係訓喺間全白既房入面坐同訓。

咁食呢？

我唔食，因為我有厭食症，不過厭食症絕對唔係我比人困入嚟既原因。
所有野都只因為「佢地」覺得我有妄想症。

邊個「佢地」？
咪護士啊，醫生啊，屋企人啊……

等等，我最想講既唔係衣啲，而係屬於世界既真實……
但係我唔會直接講出嚟，因為講有出嚟都未必有人信，所以我會用自己親身經歷去話比大家知咩事。


每個故仔開頭都會有句好懶係文學既句子，而我既故仔會係：無知使我們快樂，所以金錢令我們歡樂

所有野我諗都要歸根番去入院之前既一年到，果陣既我仲讀緊POLY year 2。
邊一科就唔多講，總之男女比例就失衡啦。
至於成個故事既開端就要由果一晚講起……

話說因為我同我班FRIEND有一堂LECTURE要由六半上到九半，所以我地迫住要留喺學校入面食。
咁POLY食飯就離不開兩個地方架姐：新CAN，舊CAN。

但係其實兩間canteen只係一舊屎同兩舊屎既分別，所以每當我地既大佬TER一問到：「去邊食啊？」個個都會答：「無所謂啊。」
所以今晚當大佬TER又再問同樣既問題果陣，我地都係重覆番同樣既答案。
但係基於上堂既lecture room近新can多啲，所以就去左果到食啦。

我地行左入去文康大樓入面，舉一舉學生證比坐左喺樓梯角位既保安後，就順利行上一層，入到去新can。
同平常一樣，一踏入新can，第一樣見到既係塊大大個既白色餐牌，上面全部都列曬所有食物同飲品種類。
餐牌左邊就係個類似開放式廚房既地方比你入去買野食，之後行前小小就會有個收銀處去比錢，右邊就排晒一張張枱櫈比你買完野食拎過去坐。
攣毛頭啊paul望望右邊話：「喂，今日無咩人啊，買野食先啦，遲啲再放袋啦。」
我地點點頭，就咩住個背囊行去左邊買野食，比錢。

如常地，我買左個兩餸飯就去左搵位坐低，見大家都齊人就齊齊講句：「食飯。」大家都各自起筷。
而我到今日都好記得，記得當我夾住舊咖哩雞放入口果隻味。


好酸，而且仲要係勁宿，好比一舊放左差唔多成年受盡日晒雨林風吹雨打，而且仲要發霉發到成舊黑晒既雞肉咁難食。


我即刻吐左成舊雞出嚟，仲要不停咁吐口水，希望可以快啲消左果一陣酸宿味。
「做咩啊？」坐我隔離既肥ken叫我有咁既反應，嚇左嚇問我有無事。
我食到舊咁既野就更係勁嬲，所以就超大聲咁講：「屌啦星！你試下舊雞！勁難食囉仆街！」
坐我對面既小濤就即刻夾起左我舊雞聞左聞話：「嘩，真係勁臭！」
大佬TER見到我地咁講，即刻拉起我話：「你入去換左佢啦。」

點知衣個時候廚房果邊嚟左勁大堆人，圍住我地，不發一言。
大佬TER佢無比咁既陣容嚇親，企起身對住個類似主廚既人話：「你快啲同我換左碟飯佢啊！你……」
點知個主廚一手打左落大佬TER塊面到，搞到佢流晒鼻血。
坐喺則邊班女仔就開始尖叫，衣個時候廚房班人帶晒面具，拎左支唔知咩既噴霧對住我地噴。
「係催眠氣……體……」大隻佬卓卓開始意識到咩事果陣，就同我地一齊暈低左……



當我地再醒番果陣，就已經發現自己困左喺一個超大形既密室到……