我成日覺得,作為一個論壇無畫畫臺,真係好遺憾

既然連體育臺,汽車臺都有,點解唯獨是係無畫畫臺?

相信受動/漫畫影響嘅年輕人,唔多唔少都對繪畫有興趣,

但無奈繪畫類別不勝枚舉,動/漫畫只係其中一門,

當你接一觸繪畫,就明白動/漫畫技法都有不足,

無論想精進技藝,或者想搵食,有足夠競爭力,

都需要向繪畫新知或者各種繪畫形式涉獵

而且話晒係人類歷史上,繪畫,文學,運動,都獨自有超卓發展,

既然,網絡係一個廣闊嘅平台,繪畫資訊技法,又日新月異,點可能無一個平台畀大家交流?

再者,如果有畫畫臺,就可以好似講故臺咁,作漫畫連載,唔理畫到幾肉酸,幾靚,有故仔,有圖睇,受益嘅都係會員,

而且畫畫技法又可以彼此交流受益

你會問創意臺,動漫臺咪得囉,整多個臺晒資源,把撚咩?)

若然真係問呢個問題,我嘅回應係:「你!十分膚淺! 」