今日我係街見到個乞衣，見佢咁可憐就施捨左幾蚊比佢
點知我比完錢之後，佢唔心息
仲捉住我隻手同我講:[搭單比多兩蚊我就教你絕世武功]
我就緊係唔信啦
即刻兜口兜面劈一句[你都痴撚線!]之後轉身走人
點知我一轉身
袋口個兩蚊唔小心飛左落地
個乞衣即刻飛身撲落去搶
仲大叫一句[交易完成!]
然後一招驢打滾碌過黎我腳下
再一記升龍拳拍到我向天直飛兩米再跌落地
到我醒返個時我已經訓係醫院病床
但唔係普通醫院，而係青山病院
點解?問返啲院友先知
原來我係條街暈左個時，無啦啦起返身耍左套羅漢拳
仲拆左隔離棚架碌竹黎耍棍法
今次真係多得個乞衣唔少
有無人知佢係邊個?
我只係隱隱約約記得個乞衣套uniform個牌寫住個[洪]字…