今日一大早我就準備左一架大車仔同一個口罩
大車仔係用黎裝紙皮
而口罩就係為左摭住個樣廢時比熟人見到我咁兜踎要執紙皮維生
為左今日執紙皮能夠順利進行
我係前晚就已經係膠登search左唔少執紙皮既聖地
而我就揀左離我最近既深水涉地區
我人品唔錯，無幾耐就搵到個紙皮堆
而個紙皮堆只係離我有50米距離
正當我想行過去個時
有幾道黑影突然係我身邊飛過
定神一看，只見個紙皮堆已經連同個幾道黑影一齊消失不見
唯獨有道黑影飛得慢左啲，我先望到原來啲黑影就係一個個既阿婆
仆街，咁撚快我點執?
班阿婆完全無讓新手既意思
執完一個紙皮堆就即刻飛去執第二個紙皮堆
屌，再係咁落去，我今日一定一塊都執唔到
既然速度上贏唔到佢地，唯有智取!
我即刻去隔離餐廳問大廚借左啲花生油
一野倒唒落班阿婆既必經之路到
再拆哂則邊啲棚架落黎擋住
咁樣做應該可以有效咁施延班阿婆既時間
而我就可以襯依段時間執鳩哂啲紙皮
一塊都唔留比班阿婆
說時遲，那時快
班阿婆已經出現係我眼前十數米
正當我以為萬無一失既時候
班阿婆竟然利用地下啲油加速
之後仲順住個棚架既曲面孤度飛左上天穿過我頭頂
其中有個阿婆仲要特登另轉面對我陰陰嘴笑
屌，咁撚屈機，你玩哂啦
唉，連紙皮都執唔到
我真係好失敗