source: http://dadazim.com/journal/2014/05/why-not-eat-the-poo/

點解蘇錦樑唔食左篤屎？
by 無待堂

大陸自由行「恩客」之前帶個小朋友黎隨地屙茄，商務及經濟發展局局長蘇錦樑話，包容係最好嘅處理方法。原來佢早就收到唔少內藏大便既包裹[1]，但蘇錦樑竟然唔係包容個包裹，一野食左篤屎，仲走去做報警撚。

可憐個熱心市民以為蘇錦樑大愛無彊，包容無邊界，所以先特登俾個機會佢以身作則。如果蘇錦樑嘅消化系統可以包容呢篤屎，佢就簡直係香港作為一個共融關愛無邊界既左翼烏托邦既模範表率。

可惜，佢選擇左報警，篤屎會點處理？依家佢係咪係證物房好寂寞咁等待蘇錦樑？篤屎會唔會諗，點解唔包容我？點解大陸小朋友果篤就要包容，呢篤就唔包容？不是說沒有屎比其他屎更高尚嗎？點解要歧視我？

之前蘇錦樑仲大家應該包容隨地大便。廣義黎講，今日呢個裝住一篤屎既包裹，係「政策問題」導致嘅。如果無官僚資本主義既中港政商集團開通自由行，又點會有小蝗蟲隨地屙屎？無小蝗蟲隨地屙屎，蘇錦樑又點會叫人包容？無蘇錦樑叫人包容，又點會有人寄篤屎俾佢？所以，呢一篤屎，就好似一孩政策既受難者Betty一樣，身世同樣係咁可歌可泣，同樣係「政策問題」，點解唔行使「酌情權」？

身為提倡左膠發明既包容論既政府官員，竟然係事件上暴露出法西斯右膠既不包容真面目，多年來爭取糞便界權益既Mr Hanky（美國籍）同埋本地代表屎撈人（中國籍）係咪應該親身去聯合國反映香港既糞便被歧視既情況已經好危急、好危險？

聽講呢排有跨國名牌想去港島南區既「海怡半島」開Outlet特賣場，趕絕當地社區小鋪，打既算盤梗係想「服務自由行同胞」啦。點知果度啲居民一聽到呢個消息，就話要反對又盛——同你講現實，反得Parda你聽日反唔到LV，都唔諗下成件事其實又係「政策造成」，點解要凶神惡煞去兇人，輸掉海怡居民嘅「素質」？需知道海怡係十大藍籌屋苑，住係裡面嘅都非富則貴，最少都係鍾意咖啡同法國電影的中產。以為佢地都係信仰普世價值，挑﹗原來又係一班法西斯黎嘅。

呢班法西斯裡面仲有一個議員叫張超雄，平時佢同佢所屬既工黨都成日講普世大愛，點知一有咩事就時窮節乃現，話「想象唔到自由行會打到入嚟」[2]。點解唔包容下？自由行都係內地同胞啫？

張超雄同蘇錦樑似唔似？其實大家差唔多階級，面上張花紙同埋個豬肚都係差唔多嘅啫，係啲傻豬豬泛民支持者以為「支持民主」既議員同嘅官員就會有好多人格分別。

之前有個阿婆聽到老公話：「藥房，大陸人。藥房，大陸人‥‥‥重多過米舖」，佢就激動上頭，爆出一句：「最好打大交，死晒佢！」[3]嘩，好撚好唔包容，但係又好撚理性，好真，一啲都唔假喎。好過好多彷彿由閪門生出黎就識叫人包容同講「政策問題」既人啦，係咪先。