同老豆睇緊“極地長征“（TVB：極地雪犬），引伸左一個問題，而個問題係又一句對白開始……
對白：歡迎嚟到地球嘅低部
父：地球嘅低部係邊度？
我：南極
之後爭論左十五分鐘，下刪一千字……
父：咁格陵蘭係邊？
我：北冰洋下面
父：錯！格陵蘭係南極！
我：下！？
之後我即開Google Map比佢睇……
我：嗱，呢度係格陵蘭……
父：呢度係南極！
我：英國係呢度喎，仲南極？
父：咁冰島係邊？
我：英國西北面，同格陵蘭夾住
父：錯！冰島喺係南極！
我：佢係歐洲國家嚟……
父：我唔信！
之後我開wiki查證比佢睇……
再爭論十五分鐘……（再下刪一千字）
之後套戲講到有個地方叫“墨爾本山“，
我又上wiki查比佢睇，戲中故事發生嘅地方係南極……
父：一陣睇下有冇企鵝咪知囉……
我：唔使抝，北極係冇陸地，南極先有，而且戲中有“墨爾本山“，仲唔係南極！？
父：你真係好撚煩，死不悔改……
之後我頂佢唔撚順，沖涼……