SOURCE: http://www.metrohk.com.hk/?cmd=detail&id=233145




《2014年世界盃》即將開鑼，以巨額投得獨家轉播權的無綫，除了會派藝員到巴西直播賽事之外，更會搞新意思，在無綫收費台開設《低俗講波團》，邀請黃毓民、盧覓雪等人「爆粗講波」，打造講波成人節目。無綫外事部副總監曾醒明昨日接受本報訪問時，表示節目有如成人台般，需要密碼解鎖，所以主持講到幾粗俗都得！

據指無綫將會於收費電視和網絡電視增設19台，專為新增的大尺度講波節目而設，節目找來立法會議員黃毓民、陸永和泰臣等組成《低俗講波團》，另外又會選出32位索女如許亦妮、雨僑等玩遊戲，甚至有機會連走光露點都出街。無綫外事部副總監曾醒明昨日接受本報訪問時直言節目冇底線，一班主持想講乜就講乜，就算爆粗都冇問題。

曾醒明又指節目將會如成人台一樣，年滿18歲的用戶於付款後，每次均需要輸入密碼才可收看。問到節目會否如報道所指將有露點鏡頭，他表示要待製作組決定，他說：「會唔會走光、露點要等製作組開會後再決定，（驚唔驚會收到投訴？）今次喺收費電視播，仲要同成人台一樣要密碼先入得，同免費電視的尺度唔一樣。」