最近膠登開始多人討論Wargame(兩三個posts),又有人有興趣(兩個).
所以希望開posts維繫Wargame同好,小弟只略懂一二,只係據個人認識分享.
今次主題:新手入門,注意事項
警告:Wargame軍費龐大而且有相對危險性,思想成熟者先好加入
(1)Gear
打邊爐安全第一,打Wargame都係
1.眼罩
公認最主要係保護雙眼,個人都非常認同,所以Wargame入門最重要要買係眼罩,而款式都有幾種.個人會據造形同安全而選擇.
1.1網紋護目鏡

比較透氣,冇可能出現霧氣阻礙視點不過有可能會有碎彈入罩,比較唔安全,個人並不建議使用
1.2風鏡

適合要帶眼鏡嘅巴絲使用,有可能出現霧氣(小弟以前試過)但保護性強,亦有部分防UV
1.3面罩

怕破相嘅巴絲啱用但較侷.
1.4防彈眼鏡

小弟係用防彈眼鏡,因為透氣,保護性唔錯,造形係PMC,個人係推薦使用.

若果巴絲本身要帶眼鏡但想用防彈眼鏡.冇問題都可以用,上圖嘅防彈眼鏡有兩塊鏡片,後面係有度數,前面係防彈同防UV(有色鏡片)
價格最後先提,係因為不同牌子,功能,價格不同,平至$100,貴至$2000都有.