一開始，
唔知咩事入左女更衣室，
成班泳衣女女睥住我
我唔知點解好驚，
於是即刻走啦，行樓梯，
落緊都係個層，都仲係個班女女睥住我，我望一望上面，竟然上層個班女女企係樓梯望住我，
於是我咪繼續跑，
唔知邊度有度門，咪跑過去，
一過左去，
突然我係個單位中間，普通屋企咁，不過我唔知邊度黎，
計埋我有3-4個人，
佢地好似訓撚曬唔識郁，
我見到張枱有幅牌，好似係三國殺，
我一拎起副三國殺，
個3條友就癡左線咁追打我，
我就搵副三國殺牌扔佢地，
我唔小心扔中其中一個既口，佢就停左，
於是用呢個方法，搞掂曬，
我打開個單位度門，發現出面同普通屋邨冇咩分別，
咪行出去睇下囉，
點知一踏出門，就見到個癡線婆尖叫狂走，佢個樣幾似袁詠儀，
佢愈走愈遠，我都冇理，咪行出去囉，
行行下，見到地下好多武器，又機關槍，又火箭炮，我唔知點解望住把斧頭，
就執起佢，
突然個癡線婆係走廊最遠個度大叫
“唔好執啊！！！”
可惜太遲，我已經執起左，
跟住突然後面有奸笑聲，
我回頭一望，有個好似scream套戲個murderer咁既人拎住把鐮刀追住我黎砍，
我扔左把斧頭，
執左支機關槍狂射條撚樣，
點知佢照沖過黎，
於是我就係咁走，
走走下，我醒起我個袋仲有幾張三國殺，於是咪扔佢，點撚知冇用
佢愈追愈近，
我超級驚
唔知咩事突然覺得把斧頭可以砍死隻鬼，
跟住把斧頭就係我前面地下，
我即刻執起佢，一野砍撚死佢，
點知最後關頭，
我揮個一下竟然撞牆
把斧頭跌撚左，
我俾佢一刀砍死左，
仲要係一刀，係一刀！！就打橫將我切成幾十片咁分屍，
係佢砍死我分屍個下，
我係由第三人稱望住呢一幕，
個時我係冇左軀體，
即係好似攝錄機咁睇住個畫面，
我俾人砍死左之後，
鏡頭一轉，
我返左去個個單位，
但係裡面係一個人都冇
之後我就會醒，
究竟咩意思？
真係好撚驚，一模一樣既夢境一日出現左兩次