人情公價方程式 有數得計



酒樓擺：出席－$500；缺席－$300
酒店擺：出席－$800；缺席－$300（一般關係）/$500（好友）
闔府統請：每位$300

當然，如果你同新人非常熟絡，妁情加多，可促進友誼；妁情減少，後果自負。

另有特別情況：

(1) 菜單有魚翅：照價八折，作為地球人，主人家唔愛惜地球，客人也就可以環保些，「少用紙」－畀少兩張銀紙。

(2) 新郎哥唱歌：減$100，此乃風險成本。新人就有情飲水飽，賓客卻硬食肉麻情歌，仲要承受難聽過技安的風險；不過如新郎唱李克勤《回首》，可加$200，以示同情，因第一句歌詞係「可不可能還我自由」。

(3) 新娘喊：加$100，女仔人家大庭廣眾喊畀你睇，你都唔忍心佢擺完酒勁蝕，返屋企再喊啦。

(4) 新郎喊：加$200，男人大庭廣眾喊畀你睇，更值回票價啦！去演唱會睇男明星喊都要錢啦！何況係你識既人？

(5) 兄弟有靚仔／姊妹有靚女：都係啦，睇SHOW唔駛錢呀？

(6) 擺酒前恐嚇賓客，唔可以畀得太少：做朋友，講金唔講心？既然係咁，人情以《蘋果日報》代替即可。